Crime News: बापरे! कुत्र्याला उशीराने खायला दिलं; २१ वर्षीय भावाची ठेचून केली हत्या

पाळिव कुत्र्याच्या प्रेमापोटी भावाला ठेचून मारल्याचा धक्कादायक प्रकार समोर आला आहे. केरळमधील पलक्कड येथून एका 27 वर्षीय तरुणाला याप्रकरणी अटक करण्यात आली आहे. त्याने त्याच्यावर चुलत भावाला मारहाण केल्याचा आरोप असून पोलिसांनी रविवारी याबद्दल माहिती दिली.

पोलिसांनी सांगितले की, हकीमला त्याचा चुलत भाऊ अर्शद (वय 21) याची ठेचून हत्या केल्याचा आरोपाखाली अटक करण्यात आली आहे. ही घटना गुरुवारी रात्री घडली. पोलिसांनी दिलेल्या माहितीनुसार, रुग्णालयाच्या अधिकाऱ्यांनी सांगितले की पीडितास मृत अवस्थेत आणण्यात आल्याचे त्यांनी सांगितले. हकीमला शनिवारी अटक करून न्यायालयीन कोठडी सुनावण्यात आली.

हकीम हा अर्शदला अधूनमधून मारहाण करत असे, असे प्राथमिक तपासात समोर आल्याचे त्यांनी सांगितले. हकीमचा येथे व्यवसाय होता आणि अर्शदही त्याच्यासोबत काम करत होता. हे दोघेही एकत्र राहत होते. यापूर्वीही तो अर्शदला मारहाण करत असे, मात्र यावेळी मारहाण अधिक झाली.

ते म्हणाले की, हकीमने कुत्र्याला उशिराने खायला दिल्याने मारहाण करण्यास सुरुवात केली. त्याने अर्शदवर कुत्र्याचा पट्टा आणि काठ्यांनी हल्ला केला. दरम्यान अर्शदच्या शरीरावर अनेक जखमांच्या खुणा असूनही, हकीमने सुरुवातीला रुग्णालयाच्या अधिकाऱ्यांना सांगितले की, त्याचा चुलत भाऊ घराच्या छतावरून पडला होता. मात्र, रुग्णालयाने या मृत्यूची माहिती पोलिसांना दिली.