DRDO DEAL मध्ये अप्रेंटिस पदांची भरती! जाणून घ्या सविस्तर

सोलापूर : DRDO डेहराडून (DRDO Dehradun) डिफेन्स इलेक्‍ट्रॉनिक ऍप्लिकेशन लॅबोरेटरी (Defense Electronic Application Laboratory - DEAL) अप्रेंटिसशिपसाठी पात्र आणि इच्छुक उमेदवारांकडून अर्ज मागवत आहे. DRDO च्या या भरती (Recruitment) प्रक्रियेमध्ये निवडलेल्या उमेदवारांना एक वर्षाच्या प्रशिक्षण कार्यक्रमासाठी नियुक्ती दिली जाईल.

लक्षात ठेवा की, रिक्त पदांची एकूण संख्या 19 आहे आणि अर्ज करण्याची अंतिम तारीख 31 डिसेंबर 2021 आहे. या भरतीसाठी उमेदवार ऑनलाइन अर्ज करू शकतात. अर्ज करण्यासाठी उमेदवारांना mhrdnats.gov.in या वेबसाइटला भेट देऊन स्वतःची नोंदणी करावी लागेल.

DRDO DEAL ने उमेदवारांना कळवले आहे, की पात्र उमेदवारांची निवड त्यांच्या पात्रता परीक्षेतील गुणांवर आधारित असेल. ही निवड विविध विषयांतील रिक्त पदांवर अवलंबून असेल. लक्षात ठेवा, की जे उमेदवार 22018, 2019 आणि 2020 मध्ये उत्तीर्ण झाले आहेत केवळ तेच उमेदवार प्रशिक्षणार्थीसाठी पात्र मानले जातील. 2018 पूर्वी अभियांत्रिकी परीक्षा उत्तीर्ण झालेल्या उमेदवारांना या प्रशिक्षण कार्यक्रमासाठी पात्र मानले जाणार नाही. तसेच, कोणत्याही संस्थेत प्रशिक्षण घेतलेले आहेत किंवा घेत आहेत ते उमेदवारही या भरतीसाठी पात्र असणार नाहीत.