JEE Advanced परीक्षा पुढे ढकलली, नवी तारीख जाहीर

मुंबई : अभियांत्रिकी प्रवेश परीक्षा JEE Advanced 2022 पुढे ढकलण्यात (JEE Advanced Exam Reschedule) आली आहे. इंडियन इन्स्टिट्यूट ऑफ टेक्नॉलॉजी (IIT) मुंबई आता 28 ऑगस्ट रोजी JEE Advanced 2022 परीक्षा घेणार आहे. यापूर्वी जेईई परीक्षा ३ जुलैला होणार होती.

जेईई परीक्षेचे नवीन वेळापत्रक jeeadv.ac.in. या अधिकृत वेबसाईटवर पाहायला मिळणार आहे. विद्यार्थ्यांनी परीक्षेबाबत अधिक माहितीसाठी या वेबसाईटला सातत्याने भेट द्यावी, असं आवाहन करण्यात आलं आहे.

जेईई अॅडव्हान्समध्ये दोन पेपर होणार आहेत.

• पेपर १ वेळ : 09:00-12:00 IST

• पेपर २ वेळ : 14:30-17:30 IST

सप्टेंबरमध्ये निकाल -

उमेदवारांची उत्तरपत्रिका १ सप्टेंबरला वेबसाईटवर उपलब्ध असेल. त्यानंतर ३ सप्टेंबरला तात्पुरत्या उत्तर पत्रिका वेबसाईटवर दिसेल. ११ सप्टेंबरला अंतिम उत्तरपत्रिक पाहायला मिळतील. जेईई अॅडव्हान्सचा निकाल देखील ११ सप्टेंबरलाच घोषित होणार आहे.

JEE Main जून-जुलैमध्ये -

NTA ने यापूर्वी JEE Main एप्रिल आणि मे महिन्यात होणाऱ्या परीक्षा जून आणि जुलैपर्यंत पुढे ढकलण्याची घोषणा केली होती. आता नवीन वेळापत्रकानुसार, जेईई मेनचे पहिले सत्र २० ते २९ जून, तर दुसरे सत्र २१ ते ३० जुलैदरम्यान होणार आहे.