data entry operator पदासाठी भरती...अर्ज करण्यासाठी दहाच दिवस शिल्लक

मुंबई : ब्रॉडकास्ट इंजिनिअरिंग कन्सल्टंट इंडिया लिमिटेड (BECIL)ने data entry operator पदांसाठी अर्ज मागवले आहेत. www.becil.com या पदांवर २२ मेपर्यंत अर्ज करता येईल.

अर्ज कसा करावा ?

संकेतस्थळावर जाऊन करिअर सेक्शनवर क्लिक करावे. त्यानंतर रजिस्ट्रेशनवर क्लिक करून नोंदणी करावी. आवश्यक ती कागदपत्रे अपलोड करावीत. अर्ज शुल्क भरावे. स्कॅन केलेली कागदपत्रे अर्जाच्या शेवटी दिलेल्या ईमेल आयडीवर पाठवावीत. अर्ज सबमिट करावा. याद्वारे डेटा एन्ट्री ऑपरेटरची ८६ पदे भरली जाणार आहेत.

अर्ज करण्यासाठी शैक्षणिक पात्रता

अर्ज करणाऱ्या उमेदवारांकडे कोणत्याही विषयातील मान्यताप्राप्त विद्यापीठातील पदवी असणे आवश्यक आहे.

टंकलेखनाचा वेग

इंग्रजी टंकलेखनाचा वेग ३५ शब्द प्रतिमिनिट आणि हिंदीचा वेग ३० शब्द प्रतिमिनिट असणे आवश्यक आहे.

अर्ज शुल्क

खुला वर्ग, इतर मागसवर्गीय आणि महिला उमेदवारांसाठी ७५० रुपये अर्ज शुल्क आहे. अनुसूचित जाती-जमातींसाठी ४५० रुपये अर्ज शुल्क आहे.