इंजिनिअरिंग झालंय? हिंदुस्तान पेट्रोलियममध्ये निघालीय मोठी भरती

HPCL recruitment 2021 : पुणे : हिंदुस्तान पेट्रोलियम कॉर्पोरेशन लिमिटेडने (HPCL) मेकॅनिकल इंजिनियर, सिव्हिल इंजिनिअर, इलेक्ट्रिकल इंजिनिअर आणि इन्स्ट्रुमेंटेशन इंजिनियरच्या सुमारे २०० पदांच्या भरतीसाठी अर्ज मागविले आहेत. त्यामुळे इच्छुक उमेदवारांनी या पदांसाठी लवकरात लवकर अर्ज करावेत. यासंबंधीची सविस्तर माहिती पुढे देण्यात आली आहे. 

पदभरतीसाठीची अर्ज प्रक्रिया सुरू झाली आहे. १५ एप्रिल २०२१ पर्यंत उमेदवार ऑनलाईन अर्ज करू शकतात. महत्त्वाची गोष्ट म्हणजे अर्ज करणाऱ्या उमेदवाराचे वय २५ वर्षांपेक्षा जास्त नसावे.

पदांचा तपशील पुढीलप्रमाणे - 
१. मेकॅनिकल इंजिनिअर - १२० पदे
२. सिव्हील इंजिनिअर - ३० पदे
३. इलेक्ट्रिकल इंजिनिअर - २५ पदे
४. इन्स्ट्रुमेंटेशन इंजिनिअर - २५ पदे

- परीक्षा न देताही मिळणार रेल्वेत नोकरी; आठवी पास उमेदवारही करु शकतात अर्ज

आवश्यक पात्रता -
अर्ज करणाऱ्या उमेदवाराकडे मान्यताप्राप्त विद्यापीठाची पदवी असणे गरजेचे आहे. ज्या उमेदवारांना इंजिनिअरिंगच्या ४ वर्षांमध्ये ६० टक्के गुणांनी उत्तीर्ण असणे गरजेचे आहे. राखीव प्रवर्गातील उमेदवारांसाठी ५० टक्केपर्यंत सूट देण्यात आली आहे.

वयोमर्यादा - 
- खुल्या किंवा सर्वसाधारण गटातील उमेदवाराचे वय हे २५ वर्षापेक्षा जास्त नसावी.
- ओबीसीमधील उमेदवारांना ३ वर्षे तर अनुसूचित जाती आणि जमातीमधील उमेदवारांना ५ वर्षे सवलत देण्यात येत आहे. 

- वारंवार वाचल्यानंतरही चालू घडामोडी लक्षात राहत नाहीत? मग 'या' दहा टिप्स वाचा अन् पटापट उत्तरे द्या​

अर्ज शुल्क - 
सर्वसाधारण आणि ओबीसी प्रवर्गातील उमेदवारांना ११८० रुपये ऑनलाइन अर्ज शुल्क भरावे लागणार आहे. तर एससी आणि एसटी प्रवर्गातील उमेदवारांना कोणत्याही प्रकारचे मूल्य भरावे लागणार नाही, याची नोंद घ्यावी. 

निवड प्रक्रिया -
उमेदवाराची निवड ही संगणक आधारीत चाचणी, ग्रुप टास्क, वैयक्तिक मुलाखत यातील गुणांच्या आधारे करण्यात येईल. संगणक आधारीत चाचणीत वस्तुनिष्ठ प्रश्न विचारले जातील. ही चाचणी दोन टप्प्यांमध्ये घेण्यात येईल. याबाबतची सविस्तर माहिती अधिसूचनेत देण्यात आली आहे. संगणक आधारीत चाचणी उत्तीर्ण झालेल्या उमेदवारांनाच मुलाखतीला प्रवेश मिळेल. 

- हेही वाचा - सरकारी नोकरी : फॉरेस्ट सर्व्हे ऑफ इंडियात भरती; पोस्ट ग्रॅज्युएट्स उमेदवारांसाठी संधी

वेतनमान - 
निवड झालेल्या उमेदवारांना दरमहा ५० हजार ते १ लाख ६० हजार रुपयांपर्यंत पगार मिळेल.

अधिसूचना (Notification) पाहण्यासाठी येथे ► क्लिक करा

ऑनलाइन अर्ज (Online Application) करण्यासाठी येथे ► क्लिक करा

- एज्युकेशन जॉब्ससंबंधी बातम्या वाचण्यासाठी येथे ► क्लिक करा

(Edited by: Ashish N. Kadam)