Job Alert : १०वी पासवाल्यांसाठी आनंदाची बातमी, लेखी परीक्षेशिवाय भरती; लाखो रुपये पगार

मुंबई : इंडो-तिबेटन बॉर्डर पोलिस फोर्स (ITBP) मध्ये अनेक पदांसाठी भरती सुरू करण्यात आली आहे. इच्छुक आणि पात्र उमेदवार अधिकृत वेबसाइटला भेट देऊन अर्ज करू शकतात.

अर्ज करण्याची प्रक्रिया अधिकृत वेबसाइटवर दिली आहे. अशा परिस्थितीत, ज्या उमेदवारांना या पदांसाठी अर्ज करायचा आहे ते २१ मार्च २०२३ पर्यंत अधिकृत वेबसाइटला भेट देऊन अर्ज करू शकतात. त्यानंतर कोणत्याही उमेदवाराचा अर्ज स्वीकारला जाणार नाही. (ITBP GD Constable Recruitment 2023) हेही वाचा - हिंडेनबर्ग अहवालात तथ्य की ते भारताविरुद्धचे कारस्थान?

अधिसूचनेनुसार, ७१ पदांवर भरतीद्वारे नियुक्त्या केल्या जातील. मात्र, ही भरती क्रीडा कोट्यातील आहे. अधिकृत वेबसाइटला भेट देऊन उमेदवार अधिक माहिती मिळवू शकतात.

शैक्षणिक पात्रता

कोणत्याही मान्यताप्राप्त बोर्डातून १०वी उत्तीर्ण झालेले सर्व उमेदवार या भरतीसाठी अर्ज करू शकतात.

वेतन

निवड झालेल्या उमेदवारांना सातव्या वेतनश्रेणीनुसार वेतन दिले जाईल. सुरुवातीला २ लाख १७ हजार ते ६९ हजार १०० रुपये पगार दिला जाईल. अधिकृत वेबसाइटला भेट देऊन उमेदवार पगार आणि पगाराशी संबंधित अधिक माहिती तपासू शकतात.

वय श्रेणी

अर्ज करणाऱ्या उमेदवारांचे वय १८ ते २३ वर्षे असावे. २१ मार्च २०२३ रोजी वयोमर्यादा मोजली जाईल. तथापि, भारत सरकारच्या नियमांनुसार राखीव प्रवर्गातील उमेदवारांना वयात सवलत दिली जाईल.

निवड प्रक्रिया

उमेदवारांची निवड शारीरिक कार्यक्षमता चाचणी (PET), शारीरिक मानक चाचणी (PST) आणि क्रीडा चाचणीच्या आधारावर केली जाईल. निवडीसाठी कोणतीही लेखी परीक्षा होणार नाही.

अर्ज फी

अर्ज करण्यासाठी, उमेदवारांना १०० रुपये शुल्क भरावे लागेल.

याप्रमाणे अर्ज करा

• सर्वप्रथम सर्व उमेदवारांनी recruitment.itbppolicenic.in वर जावे.

• त्यानंतर ITBP रिक्रूटमेंट लिंकवर क्लिक करावे.

• यूजर आयडी आणि पासवर्ड तयार करून ITBP चा फॉर्म भरावा.

• यानंतर संबंधित कागदपत्रे अपलोड करा आणि फी जमा करा.

• यानंतर, फॉर्मची एक प्रत डाउनलोड करा आणि ती तुमच्याकडे ठेवा.