esakal | 'एमओएसबी' करणार 533 वैद्यकीय अधिकारी पदांची भरती! 27 ऑक्‍टोबरपर्यंत करा ऑनलाइन अर्ज
sakal

बोलून बातमी शोधा

'एमओएसबी' करणार 533 वैद्यकीय अधिकारी पदांची भरती!

वैद्यकीय अधिकारी भरतीच्या संधीची वाट पाहात असलेल्या उमेदवारांसाठी सरकारी नोकरीची ही उत्तम संधी आहे.

'एमओएसबी' करणार 533 वैद्यकीय अधिकारी पदांची भरती!

sakal_logo
By
श्रीनिवास दुध्याल

सोलापूर : वैद्यकीय अधिकारी भरतीच्या (Medical Officer Recruitment) संधीची वाट पाहात असलेल्या उमेदवारांसाठी सरकारी नोकरीची (Government Job) ही उत्तम संधी आहे. भारत सरकारच्या (Government of India) गृह मंत्रालयाअंतर्गत केंद्रीय सशस्त्र सीमा बल (Central Armed Border Force) (CABF) च्या वैद्यकीय अधिकारी निवड मंडळाने (Medical Officer Selection Board) (MOSB) वैद्यकीय अधिकारी पदांच्या भरतीसाठी जाहिरात प्रसिद्ध केली आहे.

हेही वाचा: दिवाळीनंतर सुरू होणार शाळा! सुरक्षिततेसाठी कराव्यात आठ उपाययोजना

मंडळाद्वारे करण्यात आलेल्या जाहिरातीनुसार केंद्रीय गृह मंत्रालयाअंतर्गत भरतीनुसार सुपर स्पेशालिस्ट मेडिकल ऑफिसर (सेकंड-इन-कमांड), स्पेशालिस्ट मेडिकल ऑफिसर (डेप्युटी कमांडंट), सीएपीएफ (बीएसएफ, सीआरपीएफ, आयटीबीपी, एसएसबी आणि आसाम रायफल्स) मधील वैद्यकीय अधिकारी (सहाय्यक कमांडंट), डेंटल सर्जन (सहाय्यक कमांडंट) अशा एकूण 533 पदांसाठी पात्र उमेदवारांकडून अर्ज मागवले जाणार आहेत.

असा करा अर्ज

इच्छुक उमेदवार ITBP च्या भरती पोर्टल recruitment.itbpolice.nic.in वर उपलब्ध ऑनलाइन फॉर्म भरून अर्ज करू शकतात. अर्ज प्रक्रिया 13 सप्टेंबर 2021 रोजी सुरू होणार आहे आणि उमेदवार 27 ऑक्‍टोबर 2021 पर्यंत ऑनलाइन अर्ज सादर करू शकतील. सामान्य श्रेणी, ओबीसी आणि आर्थिकदृष्ट्या दुर्बल विभागातील उमेदवारांना ऑनलाइन अर्ज करताना 400 रुपये शुल्क भरावे लागेल. तथापि एससी, एसटी, माजी कर्मचारी आणि महिला उमेदवारांना अर्जाच्या शुल्कामध्ये पूर्ण सूट देण्यात आली आहे.

http://www.davp.nic.in/WriteReadData/ADS/eng_19143_8_2122b.pdf या लिंकद्वारे पाहा भरती जाहिरात

अर्जाची लिंक https://recruitment.itbpolice.nic.in/

हेही वाचा: PFRDA भरती 2021 : सहाय्यक व्यवस्थापक पदांसाठी 'या' तारखेपर्यंत करा अर्ज

जाणून घ्या पात्रता

स्पेशालिस्ट मेडिकल ऑफिसर (डेप्युटी कमांडंट) पदाकरिता अर्ज करण्यासाठी उमेदवार मान्यताप्राप्त संस्थेतून एमबीबीएस पदवीधर असणे आवश्‍यक आहे आणि कोणत्याही राज्य वैद्यकीय रजिस्टरमध्ये नोंदणी करणे आवश्‍यक आहे. तसेच त्याने / तिने विहित अनिवार्य इंटर्नशिप केलेली असावी. तसेच उमेदवाराचे कमाल वय 40 वर्षांपेक्षा जास्त नसावे. त्याचप्रमाणे वैद्यकीय अधिकारी (सहाय्यक कमांडंट) पदासाठी उमेदवारांनी ऍलोपॅथिक पद्धतीमध्ये वैद्यकीय पदवी उत्तीर्ण केलेली असावी आणि विहित अनिवार्य इंटर्नशिप केलेली असावी. या पदाकरिता उमेदवाराचे वय 30 वर्षांपेक्षा जास्त नसावे. शैक्षणिक पात्रतेसाठी भरती जाहिरात आणि इतर पदांसाठी आवश्‍यक इतर तपशील पाहा.

loading image
go to top