Bank Job : IDBI बँकेत महत्त्वाच्या पदावर भरती; मिळणार भरगोस पगार

मुंबई : इंडस्ट्रियल डेव्हलपमेंट बँक ऑफ इंडिया (IDBI) ने असिस्टंट मॅनेजरच्या पदांवर भरती सुरू केली आहे. या भरतीद्वारे एकूण ६०० पदे भरली जातील.

या पदांसाठी अर्ज करू इच्छिणारा कोणताही उमेदवार www.idbibank.in या अधिकृत वेबसाइटला भेट देऊन त्यांचा अर्ज भरू शकतो. अर्ज करण्याची अंतिम तारीख २८ फेब्रुवारी २०२३ आहे. (recruitment in IDBI bank )  हेही वाचा - ..ही काळजी घ्या नाहीतर खिसा होईल साफ !

रिक्त जागांचा तपशील

एकूण पदे- 600

महत्वाची तारीख

ऑनलाइन अर्ज करण्याची तारीख - १७ फेब्रुवारी २०२३

अर्ज करण्याची शेवटची तारीख - २८ फेब्रुवारी २०२३

शैक्षणिक पात्रता

या पदांसाठी अर्ज करू इच्छिणाऱ्या कोणत्याही उमेदवाराकडे कोणत्याही मान्यताप्राप्त संस्थेचे पदवी प्रमाणपत्र असणे आवश्यक आहे.

वय मर्यादा

सहाय्यक व्यवस्थापक पदांच्या भरतीसाठी अर्ज करणाऱ्या उमेदवारांची वयोमर्यादा 21 ते 30 वर्षे असावी. राखीव प्रवर्गातील उमेदवारांना वयात सवलत दिली जाईल.

निवड प्रक्रिया

या पदांवर निवड होण्यासाठी उमेदवारांना चार टप्प्यांतून जावे लागते. सर्वप्रथम, उमेदवारांची ऑनलाइन चाचणी घेतली जाईल, त्यानंतर निवडलेल्या उमेदवारांना कागदपत्र पडताळणी, मुलाखत आणि पूर्व वैद्यकीय चाचणी या टप्प्यांतून जावे लागेल.

अर्ज शुल्क

अर्ज करणार्‍या सामान्य प्रवर्गातील उमेदवारांना अर्ज फी म्हणून रु. 1000 भरावे लागतील, तर SC, ST आणि इतर राखीव प्रवर्गातील उमेदवारांना रु. 200 भरावे लागतील.

पगार

निवडलेल्या उमेदवारांना प्रति महिना ३६ हजार पगार दिला जाईल.