UPSC Calendar 2023: 28 मे रोजी पूर्व अन् 19 फेब्रुवारीला होणार IES परिक्षा | Sakal
sakal

बोलून बातमी शोधा

UPSC Recruitment 2022

UPSC Calendar 2023: 28 मे रोजी पूर्व अन् 19 फेब्रुवारीला होणार IES परिक्षा

UPSC Calendar 2023 Released: केंद्रीय लोकसेवा आयोग म्हणजेच यूपीएससी (UPSC) परिक्षेची तयारी करणाऱ्या विद्यार्थ्यांसाठी मोठी माहिती समोर आली आहे. केंद्रीय लोकसेवा आयोगाने 2023 या वर्षाचे कॅलेंडर जाहीर केलं आहे. त्यांच्या अधिकृत वेबसाईटवर जाहीर करण्यात आलेलं कॅलेंडर आपल्याला पाहायला मिळणार आहे.

जाहीर केलेल्या कॅलेंडरनुसार युपीएससीची पूर्वपरिक्षा 28 मे 2023 ला आयोजित करण्यात येणार असून त्यासंदर्भातील सूचना 1 फेब्रुवारी 2023 ला देण्यात येणार आहेत. तसेच या परिक्षेसाठी अर्ज करण्याची अंतिम मुदत ही 21 फेब्रुवारी 2023 असणार आहे. दरम्यान या वेळापत्रकात बदल करण्यात येऊ शकतात कारण मागच्या दोन वर्षात कोरोनाच्या प्रादुर्भावामुळे या वेळापत्रकात बदल करण्यात आला होता असा खुलासाही करण्यात आला आहे. यासंबंधित सूचना केंद्रीय लोकसेवा आयोगाच्या अधिकृत वेबसाईटवर देण्यात आल्या आहेत.

हेही वाचा: मुलं जन्माला घाला, लाखोंचा बोनस अन् पगारी सुट्ट्या मिळवा; चीनी कंपनीची ऑफर

यूपीएससीकडून घेण्यात येणाऱ्या इंजिनिअरिंग सर्विसच्या पूर्व परिक्षासंदर्भात 14 सप्टेंबर 2022 ला सूचना देण्यात येणार असून 4 ऑक्टोबर 2022 रोजी यासाठी अर्ज करण्याची शेवटची तारीख असेल. तसेच 19 फेब्रुवारीला या परिक्षा होणार आहेत असं या वेळापत्रकानुसार माहिती मिळत आहे. तसेच आयोगाच्या सूचानांनुसार Combined Geo-Scientist Preliminary Exam ह्या 19 फेब्रुवारी 2013 ला घेण्यात येणार आहेत. त्यासाठी 21 सप्टेंबरला प्रवेश अर्जाला सुरूवात होणार असून 11 ऑक्टोबरला अर्ज करण्याची शेवटची तारीख असणार आहे.

वेळापत्रक कसे बघायचे?

  • UPSC ची अधिकृत वेबसाईट upsc.gov.in यावर क्लिक करा

  • 'परिक्षा' टॅबला क्लिक करा

  • कॅलेंडर टॅबला क्लिक करा, त्यानंतर नवीन पेज ओपन होईल

  • कॅलेंजर 2013 च्या सूचनेच्या लिंकवर क्लिक करा त्यानंतर तुम्हाला वेळापत्रकाची PDF फाईल मिळेल. तीला डाऊनलोड करुन परिक्षांच्या तारखा आणि वेळा चेक करा.

Web Title: Upsc Calendar 2023 Released Student Main Pre Exams

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :UPSCUPSC exam
go to top