UPSC Recruitment : 'या' पदांसाठी सरकारी नोकरी जाहीर

UPSC Recruitment 2021 : केंद्रीय लोकसेवा आयोगाने (UPSC) माहिती व प्रसारण मंत्रालयांतर्गत रिक्त पदांवरील भरतीसाठी उमेदवारांकडून अर्ज मागविले आहेत. दरम्यान, या जागांसाठी इच्छुक उमेदवार यूपीएससीच्या अधिकृत वेबसाइटवर https://www.upsconline.nic.in ऑनलाइन अर्ज करू शकतात. (upsc-recruitment-2021-apply-for-the-post-of-senior-grade-of-indian-information-service)

या प्रक्रियेद्वारे भारतीय माहिती सेवेत वरिष्ठ दर्जाची एकूण 34 पदे भरली जाणार असून ही निवड भाषेच्या आधारावर होणार आहे. त्यामध्ये हिंदीसाठी 9 पदे, इंग्रजीसाठी 3 पदे, पंजाबी 3 पदे, तेलुगू 5 पदे, ओडिया 3 पदे, बंगाली 1 पदे, मराठी 5 पदे, गुजराती 1 पदे, आसामी 2 पदे आणि मणिपुरीसाठी 2 पदे भरण्यात येणार आहेत. एकूण 34 पदांपैकी 4 पदे एससीसाठी आरक्षित असून एसटीसाठी 2, ओबीसी 8, ईडब्ल्यूएस 3 पदे, जनरलसाठी 17 आणि पीडब्ल्यूबीडी प्रवर्गासाठी 2 पदे आरक्षित ठेवण्यात आली आहेत.

UPSC IB Ministry Recruitment 2021 साठी उमेदवाराकडे पदविका / पदव्युत्तर पदविका / पत्रकारिता / मास कम्युनिकेशनमध्ये पदवी असणे आवश्यक आहे. तसेच, या क्षेत्रात उमेदवाराला साधारण 2 वर्ष कामाचा अनुभव असावा. या व्यतिरिक्त उमेदवाराचे वय 30 वर्षांपेक्षा जास्त नसावे. मात्र, आरक्षण प्रवर्गातील उमेदवारांना वयाची सवलत देण्यात आली आहे. इच्छुक व पात्र उमेदवार यूपीएससीच्या अधिकृत संकेतस्थळावर 12 ऑगस्टपर्यंत ऑनलाइन अर्ज करू शकतात.

upsc-recruitment-2021-apply-for-the-post-of-senior-grade-of-indian-information-service