मुंबई : शिवसेना उद्धव ठाकरे पक्षाचे खासदार अरविंद सावंत यांनी शिंदेच्या शिवसेनेच्या उमेदवार शायना एनसी यांना उद्देशून 'इम्पोर्टेड माल' असा कथीत शब्द प्रयोग केल्यावरुन सध्या रान पेटलं आहे. पण आपण खरंच असं बोललो का? अरविंद सावंत यांनी स्पष्टीकरण दिलं आहे. शायना माझी चांगली मैत्रिण आहे मी तिचा आवमान करणार नाही. माझ्या विधानाचा गैर अर्थ घेऊन नरेटिव्ह सेट करण्याचा प्रयत्न सुरु आहे, असा आरोपही त्यांनी यावेळी महायुतीवर केला.
