Maharashtra Navnirman Sena Recognition:
महाराष्ट्रात पुन्हा एकदा महायुती सरकार राज्य करणार, हे स्पष्ट झाले आहे. शिवसेना व राष्ट्रवादी काँग्रेस पक्षातील फुटीनंतर झालेल्या पहिल्याच विधानसभा निवडणुकीत जनता कोणाच्या बाजूने कौल देते, याची सर्वांना उत्सुकता होती. उद्धव ठाकरे व शरद पवार यांची भावनिक साद आणि दुसरीकडे देवेंद्र फडणवीस, एकनाथ शिंदे व अजित पवार यांच्या महायुतीनं केलेली कामं.. असा हा संघर्ष होता. लोकसभा निवडणुकीतील निकालानंतर महाविकास आघाडीचे सरकार येईल, असा अनेकांचा अंदाज होता. पण, महायुतीने लोकसभेच्या निकालातून धडा घेतला आणि योजनांचा धडाका लावताना मतदारांना आपल्याकडे वळवण्यात यश मिळवले.
