Chutney Batata Recipe : तिच तिच भाजी पोळी खाऊन कंटाळा आलाय? ट्राय करा चटपटीत चटणी बटाटा रेसिपी

Chutney Batata Recipe : हिरवी चटणी खायला लोकांना खूप आवडते, आपल्याकडे ताटाच्या डाव्या कोपऱ्यात एकतरी चटणी तोंडी लावायला असतेच, काहींच्या घरी तर रोज हिरवी चटणी केली जाते. या चटणीमुळे अन्नाची चव वाढते. हिरवी चटणी पुदिन्याची चटणी, कोथिंबीरीची किंवा ओलं नारळ आणि मिरचीचीही बनवली जाते. पण तोंडी लावलेली चटणी भाजी म्हणून तुम्ही खाऊ शकतात हे माहिती आहे का? तुमच्या रेग्युलर चटणीला टेस्टी भाजी बनवण्यासाठी तुम्ही त्यात असे बदल करू शकतात, ही आहे रेसिपी

साहित्य

1. 6 हिरव्या मिरच्या

2. 10 पालकाची पानं

3. 8 लाल सुक्या मिरच्या

4. 1 टीस्पून आमचूर पावडर

5. 1 टीस्पून लिंबाचा रस

6. 1 टीस्पून - चाट मसाला

7. 3 चमचे - तेल

8. 10-15 बटाटे (उकडलेले)

9. चवीनुसार मीठ

10. 1 टीस्पून जिरे

11. 2 चमचे दही

12. 1 वाटी कोथिंबीर

13. 1 पॅकेट शेव

कृती:

1. बटाटे सोलून घ्या, धुवा आणि लहान तुकडे करा.

2. एका भांड्यात कोथिंबीर आणि पालकाची पाने निवडून धुवून वाळवण्यासाठी ठेवा.

3. आता मिक्सरमध्ये कोथिंबीर, पालक, जिरे, हिरवी मिरची, मीठ इत्यादी टाकून बारीक करा.

4. आता कढईत तेल टाका आणि गरम झाल्यावर त्यात जिरे टाका आणि थंड करा.

5. आता उकडलेले बटाटे, मीठ, लाल तिखट, चाट मसाला घालून मिक्स करा आणि नंतर हिरवी चटणी घालून 5 ते 7 मिनिटे ठेवा.

6. 7 मिनिटांनंतर गॅस बंद करा आणि एका भांड्यात भाजी काढा.