Dessert For Winter : थंडीत डेझर्ट खावस वाटत आहे? मग खा पौष्टिक फालुदा

Dessert For Winter : आपल्यासारखे खवय्ये पोटासाठी नाही, तर जिभेसाठी खात असतात. सध्या थंडीचा मोसम आहे. शक्यतो हिवाळ्यात शरीरात उष्णता वाढवणाऱ्या पदार्थांना आणि उन्हाळ्यात थंडावा आणणाऱ्या पदार्थांना जास्त पसंती दिली जाते.

पण याला अपवादही असू शकतात. फालुदा हा खूप जास्त लोकांना आवडणारा पदार्थ आहे. डेझर्ट म्हणून लोकांना फालुदा खूप आवडतो. शिवाय यात शेवया, सुका मेवा आणि दूध असल्यामुळे हा तितकाच पौष्टिक सुद्धा असतो. त्यामुळे तुम्ही थंडीत हा पदार्थ आइस्क्रीम ला सप्लीमेंट म्हणून खाऊ शकतात.

फालुद्याची रेसिपी

साहित्य

- २ मध्यम बाऊल व्हॅनिला आईस्क्रिम

- १ वाटी फालूदा शेव

- गुलाबाचे सरबत

- अर्धा कप ताजे क्रीम

- १ लिटर दूध

- २ छोटे चमचे गुलाब इसेन्स

- १/२ वाटी बदाम व पिस्ते

- चार मोठे चमचे साखर

कृती

- दूधात साखर घालून दूध आटवून घ्या.

- थंड झाल्यावर त्यात गुलाब इसेन्स घाला.

- फ्रीजमध्ये थंड होण्यासाठी ठेवा.

- फालुदा शेवया शिजवून घ्या.

- सर्व्ह करतांना आईस्क्रिमच्या किंवा काचेच्या ग्लासमध्ये गुलाब सरबत, मग फालूदा शेवया, नंतर त्यावर गार केलेले दूध घाला.

- नंतर व्हॅनिला आईस्क्रिम घालून त्यावर क्रीम घालून वर बदाम पिस्ते घालून सजवा.

- यामध्ये तुम्हाला आवडणारा आईस्क्रीम फ्लेवर, इसेन्स घालून त्याची चव वाढवू शकता.