Raksha Bandhan Special Recipe : रक्षा बंधनाला भावाचं तोंड गोड करण्यासाठी बनवा खास काजूचा हलवा, ही घ्या रेसिपी

Raksha Bandhan Special Recipe : रक्षा बंधनासाठी तुम्ही नक्कीच विशेष तयारी करून ठेवली असेल. बहिणीने भावासाठी आणि भावाने बहिणीसाठी नेमके काय गिफ्ट घ्यावे याचे नियोजनही सुरू असेल. अशात तुम्ही रक्षाबंधनाला भावासाठी स्पेशल काजूचा शिरा बनवल्यास अगदी अगदी गोड पदार्थाप्रमाणेच त्याच्या चेहऱ्यावरसुद्धा गोड अशी स्माईल येईल. मग वाट कसली बघताय या रक्षाबंधनाला रव्याचा शिरा किंवा मिठाई नाही तर काजूचा शिरा ट्राय करा. चला तर टेस्टी क्रिमी काजूचा हलवा कसा बनवायचा ते जाणून घेऊया.

काजूचा हलवा बनवण्यासाठी लागणारे साहित्य

२ कप काजू

२०० ग्राम साखर

केशर थोडी

१ चमचा वेलदोडा पावडर

२०० ग्राम तूप

२ कप किसलेले नारळ

अर्धा कप कोमट पाणी (Recipe)

काजूचा शिरा बनवण्याची रेसिपी

सगळ्यात आधी काजू चांगल्या प्रकारे भाजून घ्या.

नंतर त्याला ग्राइंडरमध्ये टाकून त्याचे बारीक पावडर बनवून घ्या.

आता थोड्याशा गरम पाण्यात केसर टाका आणि त्याचा रंग सुटू द्या.

तूप गरम झाल्यास कढईत काजू पावडर आणि किसलेले नारळ टाकून भाजून घ्या. ते सोनेरी होतपर्यंत भाजा.

आता गॅसची फ्लेम कमी करा. त्यात हळू हळू पाणी सोडा आणि वेगाने मिक्स करा. जेणेकरून गुठळ्या बनू नये. (Food)

आता चांगल्या प्रकारे पाण्यासह नारळाचा किस आणि काजू मिक्स केल्यानंतर त्यात साखर घाला. यावेळी गॅसची फ्लेम ही कमी असावी. यात आता केसरचे पाणी घाला. आणि ढवळा. आता त्यात वेलदोडे पावडर मिक्स करा आणि पाणी मुरेपर्यंत गॅस सुरू ठेवा. पाणी चांगल्या प्रकारे मुरल्यानंतर गॅस बंद करून घ्या. तुम्ही यावर सुखा मेवासुद्धा टाकू शकता. किंवा रक्षाबंधनासाठी तुम्हाला ही डिश स्पेशल सजवायची झाल्यास यावर तुम्ही गुलाबाच्या पाकळ्या आणि सुखा मेवा टाकूनही सजवू शकता.