Afghanistan: मदरशात नमाज पार पडली अन् काही क्षणांतच भीषण बॉम्बस्फोट; स्फोटात...

Afghanistan: अफगाणिस्तानच्या समंगन प्रांतातील ऐबक शहरातील जाहदिया मदरशात बुधवारी दुपारी बॉम्बस्फोट झाला. या स्फोटात 16 जणांचा मृत्यू झाला तर 27 जण जखमी झाले. हा स्फोट दुपारच्या नमाजनंतर झाला, ही माहिती अफगाण मीडिया गटाने प्रांतीय रुग्णालयातील डॉक्टरांच्या हवाल्याने म्हटले आहे.

तालिबानच्या एका अधिकाऱ्याने सांगितले की, उत्तर अफगाणिस्तानमधील एका मदरशात झालेल्या बॉम्बस्फोटात किमान दहा विद्यार्थी ठार झाले आहेत. या स्फोटाबाबत सुरक्षा अधिकार्‍यांकडून अद्याप कोणतेही अधिकृत वक्तव्य आलेले नाही. स्फोटानंतरचे व्हिडिओ सोशल मीडियावर व्हायरल होत आहेत.

हेही वाचा: Uday Samant on Projects: आश्वासन नाही वचन! राज्यात ५० हजार कोटींची गुंतवणूक आणणार - उदय सामंत

हेही वाचा- भारतीय उत्पादनांच्या खरेदीतली वाढ बनवेल देशाला आर्थिक महासत्ता...

15 ऑगस्ट 2021 पासून अफगाणिस्तान तालिबानच्या ताब्यात आहे. तालिबान सातत्याने देशात शांतता प्रस्थापित करण्याचा दावा करत आहे, परंतु हल्ल्यांच्या संख्येत कोणतीही घट झालेली नाही. अलीकडेच अफगाणिस्तानमध्ये मोर्टार शेलचा स्फोट झाला होता. या अपघातात दोन मुलांचा मृत्यू झाला, तर दोन जण जखमी झाल्याचे सांगण्यात येत आहे. अधिकृत निवेदनानुसार हा स्फोट दहशतवादी हल्ला नव्हता.