अल कायदाचा मास्टरमाइंड मोहसिन अलमिसरीचा अफगाणिस्तामध्ये खात्मा

mohsin al misri main.jpg
mohsin al misri main.jpg

अंडार (अफगाणिस्तान)- दहशतवाद्यांविरोधात मोहीम सुरु केलेल्या अफगाणिस्तानच्या लष्कराला मोठे यश मिळाले आहे. एका मोठ्या ऑपरेशनमध्ये अल कायदाचा मास्टरमाइंड मोहसिन अलमिसरी अंडार जिल्ह्यात मारला गेल्याचे राष्ट्रीय सुरक्षा संचालनालयने (एनडीएस) सांगितले. 'टोलो न्यूज'ने दिलेल्या वृत्तानुसार अलमिसरी भारतीय उपखंडासाठी दहशतवादी समूहाचा प्रमूख सदस्य म्हणून आपल्या दहशतवादी कृत्याची अंमलबजावणी करायचा.

अलमिसरीचा अटकेदरम्यान मृत्यू झाल्याचे यापूर्वी एनडीएसने म्हटले होते. नंतर अफगाणिस्तानच्या गुप्तचर आणि सुरक्षा दलाने गजनी प्रांतातील अंडार जिल्ह्यात अफगाण सैन्याने केलेल्या ऑपरेशनमध्ये अलमिसरीचा खात्मा करण्यात आल्याचे सांगितले. 

यापूर्वी 2019 मध्ये दहशतवाद्यांविरोधातील अभियानाला मोठे यश मिळाले होते. त्यावेळी अफगाणिस्तान आणि अमेरिकन सैन्य दलाच्या संयुक्त मोहिमेत कुख्यात दहशतवादी आसिम उमरला मारण्यात आले होते. 

दरम्यान, अफगाणिस्तानमध्ये तालिबान, आयएस आणि अलकायदाच्या हल्ल्यामुळे अनेक जणांचा नाहक बळी गेला आहे. युद्धग्रस्त देश असलेल्या अफगाणिस्तानमध्ये नुकताच झालेल्या हिंसाचारात 180 नागरिक मारले गेले तर 375 जण जखमी झाले होते. शनिवारी काबूल येथे इस्लामिक स्टेटच्या दहशतवादी हल्ल्यात किमान 30 जणांचा मृत्यू झाला होता. तर अनेक जण गंभीर जखमी झाले. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com