America : केंटकीमध्ये अचानक आलेल्या पुरामुळं 16 जणांचा मृत्यू, मृतांचा आकडा वाढण्याची शक्यता! | Sakal
sakal

बोलून बातमी शोधा

America Flood News

लोकांना बोटीद्वारे पुरातून बाहेर काढून सुरक्षित स्थळी नेण्यात आलंय.

America : केंटकीमध्ये अचानक आलेल्या पुरामुळं 16 जणांचा मृत्यू

America Flood News : यूएस राज्याच्या पूर्वेकडील भागात मुसळधार पावसामुळं (Heavy Rain In America) पूर आल्यानं केंटकीच्या अॅपलाचियन्समध्ये (Kentucky Appalachian) किमान 16 लोकांचा मृत्यू झालाय. त्याचवेळी इतर लोकांना बोटीद्वारे पुरातून बाहेर काढून सुरक्षित स्थळी नेण्यात आलंय. बचाव पथक आपत्तीग्रस्त भागात शोध घेत असल्यानं मृतांची संख्या वाढणार असल्याचं सांगण्यात येतंय.

केंटकीच्या गव्हर्नरनं (Governor of Kentucky) सांगितलं की, पुरातील सर्व बळी शोधण्यासाठी काही आठवडे लागू शकतात. या पुरात आतापर्यंत 16 लोकांचा मृत्यू झालाय. कारण, मुसळधार पावसामुळं अॅपलाचिया शहरं जलमय झालं असून येत्या काही दिवसांत आणखी पावसाचा अंदाज वर्तवण्यात आलाय. अनेक ठिकाणी बचावकार्यासाठी बचाव पथकाला मोठा संघर्ष करावा लागतोय.

हेही वाचा: Monkeypox Virus : मंकीपॉक्सचा धोका वाढला; स्पेनमध्ये मृत्यूची पहिली नोंद

पूर्व केंटकीच्या काही भागात 48 तासांत 20 ते 27 सेंटीमीटर पाऊस पडल्यानंतर शुक्रवारी पहाटेही मोठा पाऊस झालाय. राज्याचे गव्हर्नर अँडी बेशियर (Governor Andy Beshear) म्हणाले, 'अचानक आलेल्या पुरात किती लोक मरण पावले याची आकडेवारी आम्ही सतत अपडेट करत आहोत. काही बाधित भागात नेमके किती लोक उपस्थित होते, हे कळणं कठीण आहे. सध्या बचाव पथकानं बेपत्ता लोकांचा शोध घेण्यासाठी हेलिकॉप्टर आणि बोटींचा वापर केलाय.' कोरी वॉटसन म्हणाले, बळींमध्ये कमीतकमी सहा मुलं आहेत आणि बचाव पथक अधिक भागात पोहोचल्यामुळं एकूण मृतांची संख्या दुप्पट होऊ शकते. मृतांमध्ये नॉट काउंटीमधील एकाच कुटुंबातील चार मुलांचा समावेश आहे.

हेही वाचा: Jammu Kashmir : बारामुल्लामध्ये सुरक्षा दल-दहशतवाद्यांमध्ये चकमक; एक दहशतवादी ठार

Web Title: America Us Kentucky Appalachian 16 People Died In Flood Rescue Operation Continue

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..