लंडन: मैत्रिणीला प्रपोज करण्यासाठी अनेकजण फंडे वापरताना दिसतात. एका प्रियकराने तर मैत्रीणीला प्रपोज करण्यासाठी फ्लॅटमध्ये 100 मेणबत्त्या लावल्या. पण, मेणबत्त्यांमुळे घराला आग लागली आणि घरातील साहित्य जळून खाक झाले. पण, यानंतर मैत्रिणीने होकार दिल्यानंतर त्याला आनंद गगणात मावेनासा झाला.
लंडनमधील साऊथ यॉर्कशायर परिसरात ही घटना घडली. साउथ यॉर्कशायर फायर आणि रेस्क्यू सर्व्हिसने ट्विटरवरून या घटनेची माहिती दिली. त्यांनी छायाचित्रे शेअर करताना लिहिले की, 'लक्ष देऊन बघा, घराची काय अवस्था झाली आहे. घराची अक्षरश: राख झाली आहे. पण, या घटनेमुळे इतरांना शाहणपणा येईल. शिवाय, मेणबत्तीचा वापर कसा करावा आणि करु नये, हे पण समजेल.'
दरम्यान, शेफिल्ड शहरातील एका प्रियकराने मैत्रिणीला प्रपोज करण्यासाठी रोमँटिक वातावरण निर्माण केले आहे. यासाठी त्याने फ्लॅटमध्ये १०० टीलाइट कँडलने रोषणाई केली होती. पण, या मेणबत्त्यांनी घराला आग लागली आणि घराची अक्षरश: राख झाली. या घटनेनंतरही त्याने मैत्रिणीला प्रपोज केले. मैत्रिणने होकार देताच त्याला आनंद गगनात मावेनासा झाला. घर जळाले पण मैत्रिण मिळाली.'
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.