विमानांना प्रवेशबाबत चीनचे एक पाऊल मागे; अमेरिकेच्या इशाऱ्यानंतर निकष बदलला 

बीजिंग - विमानांना प्रवेशबंदीच्या चालीला अमेरिकेने तसेच प्रत्यूत्तर दिल्यानंतर चीनला एक पाऊल माघार घ्यावी लागली. आठ जूनपासून चीनमधील पसंतीच्या एका शहरात आठवड्यातून एकदा परदेशांतून विमाने येऊ शकतील अशी घोषणा करण्यात आली. यामुळे कोरोनावरून या दोन देशांत पेटलेला वाद आणखी चिघळण्याचे एक कारण कमी झाले.

ताज्या बातम्यांसाठी डाऊनलोड करा ई-सकाळचे ऍप 

चीनच्या नागरी वाहतुक प्रशासनाने मार्चच्या अखेरीस एक निर्णय घेतला. त्यानुसार चिनी कंपन्या कोणत्याही देशातील एकाच मार्गावर आठवड्यातून एकदा विमान नेतील. १२ मार्च रोजी जेवढी उड्डाणे केली त्यापेक्षा जास्त विमानांना परवानगी मिळणार नाही असेही स्पष्ट करण्यात आले होते. प्रत्यक्षात अमेरिकेने १२ मार्चपर्यंत सर्व प्रवासी विमाने थांबविली होती. त्यामुळे त्यांना चीनसाठी विमान सेवा सुरु करता येत नव्हती व चीनमधून मात्र विमाने येऊ शकत होती. या पार्श्वभूमीवर अमेरिकेचे अध्यक्ष डोनाल्ड ट्रम्प यांनी बुधवारी चीनवर दडपण आणण्यासाठी चिनी प्रवासी विमानांना १६ जूनपासून अमेरिकेत येण्यास व अमेरिकेतून उड्डाण करण्यास बंदी घातली. 

जगभरातून आणखी ३८ विमाने मुंबईत येणार; आतापर्यंत 'एवढ्या' नागरिकांना केले 'एअरलिफ्ट!'

मग अखेर चीनला माघार घेऊन निकष बदलावा लागला. चीनमध्ये विमानांतून येणारे प्रवासी सलग तीन आठवडे कोरोना पॉझिटीव्ह आढळले नाहीत तर आठवड्याला दोन विमानांना परवानगी मिळेल, असेही जाहीर करण्यात आले. 

परदेशी नागरिकांची ओरड 

चीनचे अनेक नागरिक परदेशांत अडकले आहेत. त्यामुळे जूनमध्ये तिप्पट विमानांना परवानगी मिळेल असे चीनने जाहीर केले. दुसरीकडे सिंगापूर आणि दक्षिण कोरियासह अनेक देशांतून व्यवसायासाठी येणाऱ्या प्रवाशांची प्रवेश प्रक्रिया द्रुतगती करण्यात आली. 

पुण्याच्या बातम्या वाचण्यासाठी येथे  क्लिक करा

पाच प्रवासी पॉझिटीव्ह... 
चीनमध्ये आल्यावर प्रत्येक प्रवाशाची कोरोना चाचणी होईल. एका विमानातून आलेले पाच किंवा जास्त प्रवासी पॉझिटीव्ह आढळले तर संबंधित मार्गावरील विमान सेवा एका आठवड्यासाठी स्थगित केली जाईल.