- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नवी दिल्ली - भारत कोरोनाच्या दुसरी लाटेचा सामना करीत आहे. ही लाट अधिक तीव्र असल्याने अनेक राज्यांनी शनिवार - रविवारी लॉकडाउन, रात्रीची संचारबंदी लागू केली आहे. काही ठिकाणी संपूर्ण लॉकडाउन करण्याचाही विचार सुरू आहे. यादरम्यान जागतिक आरोग्य संघटनेच्या (डब्ल्यूएचओ) मुख्य शास्त्रज्ञ सौम्‍या स्वामीनाथन यांनी लॉकडाउनचे परिणाम भयंकर असतील, असा इशारा दिला आहे. तसेच कोरोनाची ही लाट नियंत्रित करण्यासाठी लोकांचा सहभाग अत्यंत महत्त्वाचा असल्याचे स्पष्ट केले. लसीकरणासंदर्भातही त्यांनी भूमिका मांडली.
एका इंग्रजी वृत्तपत्रानुसार डॉ. स्वामीनाथन म्हणाल्या की कोरोनाच्या तिसऱ्या लाटेसंबंधी विचार करण्यापूर्वी आणि पुरेशा प्रमाणात लसीकरण होण्यापर्यंत आपल्याला दुसऱ्या लाटेचा सामना करावा लागणार आहे. कोरोना व्हायरसच्या साथीच्या अनेक लाटा येऊ शकतात. कोव्हिशिल्ड लशीच्या दोन डोस देण्यात ८ ते १२ आठवड्यांचे अंतर ठेवण्याची शिफारस ‘डब्ल्यूएचओ’ने केली आहे. यावर बोलताना त्या म्हणाल्या की लहान मुलांना लस देण्याचा सल्ला ‘डब्ल्यूएचओ’ने दिलेला नाही. मात्र दोन डोसमधील अंतर ८ ते १२ आठवड्यांपर्यंत वाढविता येऊ शकते.
हे वाचा - ब्रिटनमध्ये एस्ट्राझेनेका लसीची लहानग्यांवरील ट्रायल थांबवली; रक्तात गुठळ्यांची तक्रार
भारतात लसीकरणाचे वेग चांगला
‘डब्ल्यूएचओ’च्या प्रादेशिक संचालिका पूनम खेत्रीपाल यांनीही लसीकरणावर भर दिला. आजच्या जागतिक आरोग्य दिवसानिमित्त त्या बोलत होत्या. कोरोना संसर्गाची नवी लाट जगभरात पसरली आहे. यामुळे लसीकरणाचा वेग वाढविण्याचा प्रयत्न करणे आवश्‍यक आहे. विशेष बाब म्हणजे भारतात लशीचे दररोज सुमारे २६ लाख डोस दिले जात आहेत. यात अमेरिका खालोखाल भारताचा क्रमांक आहे. अमेरिकेत दररोज साधारण ३० लाख डोस देण्यात येत आहेत.
देशात रुग्णवाढीचा रेकॉर्ड
देशात गेल्या 24 तासांत 1.15 लाखहून अधिक रुग्ण आढळले आहेत. तर कार 630 हून अधिक रुग्णांचा मृत्यू झाला आहे. भारतात गेल्या 24 तासांत कोरोनाचे नवे 1 लाख 15 हजार 736 रुग्ण आढळले आहेत. या नव्या रुग्णांसह देशातील एकूण कोरोनाबाधितांचा आकडा 1 कोटी 28 लाख 1 हजार 785 वर पोहोचला आहे. सध्या देशात 8 लाख 43 हजार 473 रुग्ण ऍक्टीव्ह आहेत. तर 8 कोटी 70 लाख 77 हजार 474 जणांचे लसीकरण करण्यात आलं आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.