कांगोतील खाणीत भूस्खलन, २०० जणांचा मृत्यू; जगातील स्मार्टफोन-लॅपटॉप इंडस्ट्रीला बसू शकतो धक्का

आफ्रिकन देश डेमोक्रेटिक रिपब्लिक ऑफ कांगोच्या एका भागात भीषण दुर्घटना घडलीय. रुबाया कोल्टन खाणी मुसळधार पावसामुळे भूस्खलन झालंय. यात किमान २०० जणांचा मृत्यू झाला असल्याची माहिती समोर आलीय. ही खाण मिलिशिया ग्रुप एम २३ च्या ताब्यात आहे. सरकारी अधिकाऱ्यांनी दिलेल्या माहितीनुसार अनेक मृतदेह ढिगाऱ्याखाली दबलेले आहेत. मृतांच्या संख्येत आणखी वाढ होण्याची भीती व्यक्त केली जातेय.