वॉशिंग्टन - अमेरिकेचे माजी राष्ट्राध्यक्ष डोनाल्ड ट्रम्प हे अध्यक्षपदाच्या निवडणुकीवेळी वेगवेगळ्या कारणांनी वादात अडकले होते. अमेरिकेच्या राष्ट्राध्यक्षपदाच्या निवडणुकीत ज्यो बायडेन यांच्याकडून पराभव झाल्यानंतरही डोनाल्ड ट्रम्प यांनी निकालाविरोधात न्यायालयात धाव घेतली होती. तिथंही त्यांच्या पदरी निराशाच पडली. दरम्यान, सहा जानेवारीला ट्रम्प समर्थकांनी कॅपिटॉल इमारतीवर हल्ला केला. यानंतर ट्विटर, फेसबुक आणि सोशल मीडिया साइट्सनी डोनाल्ड ट्रम्प यांचे अकाउंट निलंबित केले होते. आता यावर ट्रम्प स्वत:चा सोशल मीडिया प्लॅटफॉर्म लाँच करण्याची तयारी करत आहेत. ट्रम्प पुढच्या तीन महिन्यात सोशल मीडियावर दिसण्याची शक्यता आहे. याची माहिती ट्र्म्प यांच्या एका वरिष्ठ सल्लागाराने दिली आहे.
अमेरिकेची राजधानी वॉशिंग्टनमध्ये गोंधळ आणि हिंसाचारानंतर सर्वच सोशल मीडिया कंपन्यांनी ट्रम्प यांचे अकाउंट ब्लॉक केलो होते. सोशल मीडियावर ट्रम्प यांच्यावर बंदी घालण्याला सुरुवात गुगल आणि एपलच्या अॅप स्टोअरने केली होती. फेसबुक, ट्विटर, युट्यूब आणि स्नॅपचॅटनेसुद्धा बंदी घातली आहे. युट्यूबने ट्रम्प यांनी अपलोड केलेला व्हिडीओ कंटेंट प्लॅटफॉर्मवरून हटवला आहे. तसंच ट्रम्प यांच्या चॅनेलला नियम आणि अटींचे उल्लंघन केल्यानं सस्पेंडसुद्धा केलं होतं.
स्नॅपचॅटने ट्रम्प यांच्या खात्यावर कारवाई करताना सांगितलं होतं की, आम्ही लोकांच्या हिताची काळजी करतो आणि त्यामुळेच ट्रम्प यांचे अकाउंट कायमस्वरुपी ब्लॉक करण्यात आलं आहे. ट्र्म्प यांच्या खात्यावरून सातत्यानं चुकीची आणि भावना भडकावणारी माहिती देण्यात येत होती म्हणून कारवाई करण्यात आली.
दुसरीकडे युट्यूबने ट्र्म्प यांच्यावर केलेल्या कारवाईबद्दल सांगितलं होतं की, ट्रम्प यांनी एक व्हिडीओ अपलोड केला होता. यामुळे आमच्या गाइडलाइन्सचे उल्लंघन होत होतं. यानंतर त्यांच्या चॅनेलवर ऑटोमॅटिक स्ट्राइक आला. पहिल्यांदा किमान सात दिवस स्ट्राइक येतो. त्यानंतर पुढचे सात दिवस चॅनेल एकही व्हिडीओ अपलोड करू शकत नाहीत. यानंतर ट्रम्प यांचे अकाउंट सस्पेंड करण्यात आलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.