न्यूयॉर्क - चंद्राच्या पृष्ठभागावर पृथ्वीवरील दिशादर्शक सिग्नल (जीपीएस आणि गॅलिलिओ) मिळविण्यात अमेरिकेची अवकाश संशोधन संस्था ‘नासा’ आणि इटलीच्या अवकाश संशोधन संस्थेला यश मिळाले आहे. तीन मार्च रोजी ‘लूनार जीएनएसएस रिसिव्हर एक्सपरिमेंट’(एलयूजीआरई) या यंत्रणेने हे सिग्नल मिळविण्यात यश मिळविले आहे.
‘एलयूजीआरई’च्या यशामुळे चंद्राच्या कक्षेत आणि चंद्राच्या पृष्ठभागावर ग्लोबल नेव्हिगेशन सॅटेलाईट सिस्टिमच्या (जीएनएसएस) माध्यमातून प्रक्षेपित होणारे सिग्नल यशस्वीरित्या प्राप्त होऊ शकतात, हे सिद्ध झाले आहे.
अशी झाली चाचणी
नासाने ‘फायरफ्लाय एरोस्पेस’च्या माध्यमातून ‘ब्लू घोस्ट लूनार लँडर’ रविवारी (ता.२) चंद्रावर उतरविले. चंद्राच्या पृष्ठभागावर लँडर उतरविल्यानंतर मेरीलँड येथील नासाच्या केंद्रातून ‘एलयूजीआरई पेलो़ड कार्यान्वित करण्यात आला. त्यानंतर ‘एलयूजीआरई’ने सुमारे तीन लाख ६२ हजार किलोमीटरवरून प्रक्षेपित होणारे जीपीएस आणि गॅलिलिओ ‘जीएनएसएस’ सिग्नल प्राप्त केले आणि स्वतःचे नेमके स्थान आणि वेळ याची माहिती दिली.
हा प्रयोग १४ दिवस सुरू राहणार आहे. जीएनएसएस सिग्नल रेडिओ तरंगांच्या माध्यमातून नेव्हिगेशन डेटा पाठवितात. पृथ्वीवर जीपीएस, गॅलिलिओ, बेईडू आणि ग्लोनास या ‘जीएनएसएस’ यंत्रणांचा वापर केला जातो.
अवकाश मोहिमांना लाभ
‘एलयूजीआरई’ने चंद्रावर ‘जीएनएसएस’द्वारे प्रक्षेपित सिग्नल यशस्वीपणे प्राप्त केल्याने आगामी काळात नासाच्या आर्टिमिस मोहिमेसह विविध अवकाश मोहिमांमध्ये याचा लाभ होणार आहे.
अवकाशयानांना त्यांचे अचूक स्थान मिळवून देण्यासाठी आणि त्यांचा वेग व वेळ यांचा अंदाज अचूकपणे समजण्यासाठी ही यंत्रणा उपयुक्त ठरणार आहे.
प्रामुख्याने आगामी काळातील चांद्रमोहिमा आणि मंगळ मोहिमेसाठी या यंत्रणेचा उपयोग होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.