वुहान - कोरोनाच्या संकटकाळात जगातील अनेक देशांनी लॉक़डाउनचा निर्णय घेतला होता. आता निर्बंधामध्ये हळू हळू शिथिलता आणली जात आहे. दरम्यान, चीनने भारतातून येणाऱ्या विमानांना नो एन्ट्रीचा निर्णय घेतला आहे. वंदे भारत मिशन अंतर्गत येणाऱ्या विमानांवर चीनने निर्बंध लादले आहेत. भारतातून वुहानला जाणाऱ्या एका विमानात 19 भारतीयांना कोरोना झाल्याचं समोर आल्यानंतर घाबरून हा निर्णय घेण्यात आला आहे.
याबाबत मिळालेल्या माहितीनुसार, कोरोनाच्या पार्श्वभूमीवर चीनने हा निर्णय घेतला आहे. चीनचा व्हीसा असलेल्या भारतीय नागरिकांना आणि ज्यांना चीनमध्ये राहण्यास परवानगी आहे त्यांना देशात प्रवेश देण्यावर बंदी घालण्यात आली आहे.
चीनच्या अधिकाऱ्यांनी सांगितलं की, भारतात असलेल्या चीनी दूतावासातील लोकांकडून संबंधित लोकांच्या आरोग्य प्रमाणपत्रावर स्टॅम्प लावण्यात येणार नाही. मात्र चीनी राजदूत, सेवा आणि नागरिक व्हीसा असलेल्या लोकांना मात्र चीनला जाता येणार आहे. त्यांच्यावर अशा प्रकारचे कोणतेही निर्बंध नसतील असंही स्पष्ट केलं आहे. दुसरीकडे चीनसोबत मिळून यावर मार्ग काढण्यासाठी काम करत राहू असं बिजिंगमधील भारतीय दूतावासाने म्हटलं आहे.
भारतातून 30 ऑक्टोबरला गेलेल्या वंदे भारत मिशन अंतर्गत विमानात 19 प्रवासी कोरोनाबाधित आढळले होते. हुबेई आरोग्य आयोगाच्या अहवालानुसात, त्या विमानातील चार जणांना कोरोनाची लागण झाली होती तर 19 जणांना बाधा झाली होती मात्र त्यांच्यात कोणतीही लक्षणे दिसत नव्हती.
वुहानला गेलेल्या विमानातील 58 जणांना कोरोना रुग्णालय आणि क्वारंटाइन सेंटरमध्ये पाठवण्यात आलं आहे. तर इतर प्रवाशांना हॉटेलमध्ये क्वारंटाइन केलं आहे. पहिल्यांदाच वंदे भारत मिशन अंतर्गत गेलेल्या विमानामध्ये कोरोनाचे रुग्ण सापडल्याचा प्रकार घडला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.