भारताचं क्षेपणास्त्र चुकून पाकिस्तानात पडलं, अमेरिकेनं दिला थेट इशारा

अमेरिकेनं (America) नुकताच एक अहवाल जारी केलाय. यात त्यांनी म्हटलंय चीन (China), भारत (India) आणि पाकिस्तानच्या (Pakistan) नेत्यांना आण्विक देशांमधील युद्धाचे धोके आणि परिणामांची चांगली जाणीव आहे. दक्षिण आशियातील वाढत्या राष्ट्रवादामुळं युद्धाची ठिणगी पडू शकते, असं अहवालात म्हटलंय. हा अहवाल यूएस इन्स्टिट्यूट ऑफ पीसनं (US Institute of Peace, USIP) तयार केलाय.

या अहवालात मार्च 2022 मध्ये पाकिस्तानी हद्दीत भारतीय क्षेपणास्त्र (Indian Missiles) चुकून पडल्याच्या घटनेचाही उल्लेख करण्यात आलाय. अहवालात दक्षिण आशियातील बदलत्या परिस्थितीमुळं निर्माण होणाऱ्या आव्हानांचा आढावा घेण्यात आलाय. यासोबतच भारत-पाकिस्तान (India-Pakistan Dispute) यांच्यातील आण्विक धोका कमी करण्यावर भर देण्याचं आवाहन अमेरिकेला करण्यात आलंय.

अमेरिकेला भारतासोबत संरक्षण सहकार्य वाढवण्याची गरज असल्याचं अहवालात सांगितलंय. USIP अहवालात बायडन प्रशासनाला तालिबानसोबत चालू असलेल्या चर्चेचा उपयोग अफगाणिस्तान आणि पाकिस्तानमधील प्रादेशिक स्थिरतेला धोका कमी करण्यासाठी करण्यात आलाय. चीन, भारत आणि पाकिस्ताननं शत्रूंना दूर ठेवण्यासाठी अण्वस्त्रं विकसित केली आहेत. परंतु, सुरक्षेबाबत नेहमीच शंका उपस्थित केल्या जात असल्याचा इशारा या अहवालात देण्यात आलाय.