दलित आहे म्हणून उच्चवर्णीय भारतीयांकडून अपमानास्पद वागणूक

न्यूयॉर्क - कंपनीमध्ये काम करत असताना केवळ दलित आहे म्हणून इतर तथाकथित उच्चवर्णीय भारतीयांकडून अपमानास्पद वागणूक मिळत असल्याबद्दल येथील कामगार कल्याण विभागाने प्रसिद्ध सिस्को कंपनीविरोधात खटला दाखल केला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कॅलिफोर्नियातील सिलीकॉन व्हॅलीमधील सिस्को सिस्टीमच्या मुख्यालयात काम करणाऱ्या एका भारतीय व्यक्तीला इतर भारतीय सहकाऱ्यांकडूनच अवमानजनक वागणूक मिळाल्याची तक्रार आहे. हे सर्व जण भारतात शिक्षण पूर्ण करून गेल्या काही वर्षांमध्ये अमेरिकेत आले आहेत. मात्र, येताना त्यांनी त्यांच्या मनातील जातीव्यवस्था येथे आणली, असे तक्रारीत म्हटले आहे.