South Africa : जोहान्सबर्गमधील बारमध्ये गोळीबार; १४ जण ठार | Sakal
sakal

बोलून बातमी शोधा

Johannesburg Firing in bar 14 killed and three injured South Africa

South Africa : जोहान्सबर्गमधील बारमध्ये गोळीबार; १४ जण ठार

जोहान्सबर्ग : दक्षिण आफ्रिकेतील जोहान्सबर्गमध्ये गोळीबार (Firing) झाल्याची घटना समोर आली आहे. या हल्ल्यात १४ जणांचा मृत्यू झाला तर ३ जण गंभीर जखमी झाले आहेत. जखमींना उपचारासाठी जवळच्या रुग्णालयात दाखल करण्यात आले आहे. पोलिसांनी दिलेल्या माहितीनुसार, जोहान्सबर्गच्या सोवेटो टाऊनशिपमधील बारमध्ये (bar) हा गोळीबार झाला. (Johannesburg Firing Marathi News)

पोलिस या प्रकरणाचा तपास करीत आहे. ही घटना शनिवारी रात्री उशिरा घडली होती. येथे काही लोकांचा एक गट मिनिबस टॅक्सीत आला आणि बारच्या रक्षकांवर गोळीबार केला. घटनास्थळी सापडलेल्या काडतुसांच्या संख्येवरूनही गोळीबारात (Firing) एकापेक्षा जास्त जणांचा सहभाग असल्याचे दिसून येते, असे गौतेंग प्रांताचे पोलिस आयुक्त लेफ्टनंट जनरल इलियास मावेला यांनी सांगितले.

हेही वाचा: शिवसेनेच्या ५३ आमदारांना नोटीस; सात दिवसांत मागितले उत्तर

ज्या बारमध्ये (bar) गोळीबार झाला तो परवानाधारक आहे. घटनेच्या वेळी येथे अनेक लोक उपस्थित होते. अचानक हल्लेखोरांनी गोळीबार सुरू केला. मात्र, आरोपींच्या गोळीबारामागील (Firing) हेतू काय होता हे अद्याप समजू शकलेले नाही, असेही पोलिस कर्मचारी इलियास मावेला यांनी सांगितले.

अमेरिकेत रोज घडणाऱ्या घटना!

अमेरिकेत अशा घटना रोज घडतात. ५ जुलै रोजी अमेरिकेतील इंडियाना येथे झालेल्या गोळीबारात तीन जणांचा मृत्यू झाला होता. हल्लेखोरांनी १० जणांना गोळ्या घातल्या. ही घटना ब्रेनियानाच्या गॅरीची होती. ब्लॉक पार्टीत ही घटना घडली होती. याच्या एक दिवस आधी अमेरिकेच्या स्वातंत्र्यदिनी शिकागोमध्ये गोळीबार झाला होता. फ्रीडम परेडमधून बाहेर पडत असताना अचानक गोळीबार झाला. या घटनेत सहा जणांचा मृत्यू झाला होता. तर २४ जण जखमी झाले होते. हल्लेखोराने छतावरून गोळ्या झाडल्या होत्या.

Web Title: Johannesburg Firing In Bar 14 Killed And Three Injured South Africa

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..