युक्रेनच्या महिलांवर बलात्कार केल्यानंतर केले ठार; डॉक्टरांचा दावा

Killed after torture Ukrainian women
Killed after torture Ukrainian womenKilled after torture Ukrainian women

युक्रेन आणि रशिया (russia) यांच्यात अजूनही युद्ध सुरू आहे. अनेक प्रयत्न करूनही तोडगा निघालेला नाही. युद्धात अनेकांचा जीव गेला आहे. कबरीतून मृतदेह काढून शवविच्छेदन केले जात आहे. यावेळी हृदयद्रावक वास्तव समोर आले आहे. ज्या महिलांचे मृतदेह कबरीतून बाहेर काढले जात आहेत. त्यांच्यावर प्रथम बलात्कार करण्यात आला नंतर पॉइंट ब्लँक रेंजमधून गोळ्या घालण्यात आल्याचा दावा डॉक्टरांनी केला आहे. (Killed after torture Ukrainian women)

युक्रेनमध्ये (Ukraine) सर्वत्र सामूहिक स्मशानभूमी आढळतात जिथे अनेक लोक मारले गेले आणि दफन केले गेले. प्रथम बुचा शहरात एक सामूहिक स्मशानभूमी सापडली आणि आता अशीच आणखी एक सामूहिक स्मशानभूमी राजधानी किव्हपासून सुमारे चाळीस किलोमीटर अंतरावर सापडली आहे. युक्रेनियन फॉरेन्सिक डॉक्टर ब्लाडिस्लाव्ह पेरोव्स्की आणि त्यांची टीम किव्ह जवळ सामूहिक कबरीत सापडलेल्या मृतदेहांचे शवविच्छेदन करीत आहेत.

Killed after torture Ukrainian women
मुख्यमंत्र्यांचा राज्यपालांवर हल्ला; म्हणाले, राज्यपाल हे केवळ पोस्टमनसारखे

ज्या युक्रेनियन (Ukraine) महिलांना ठार करून पुरण्यात आले होते, त्यांच्यावर आधी बलात्कार (Rape) झाला होता. यापेक्षा जास्त माहिती देऊ शकत नाहीत कारण अनेक मृतदेहांची तपासणी करून डेटा तयार करायचा आहे, असे डॉ. ब्लाडिस्लाव्ह म्हणाले. डॉ. ब्लाडिस्लाव आणि त्यांचा चमू बुचा, इरपिन आणि बोरोडियान्का या शहरांमधून सापडलेल्या मृतदेहांचे शवविच्छेदन करीत आहेत. या ठिकाणी रशियन (russia) सैनिकांनी नरसंहार केल्याचा आरोप आहे.

मिळालेल्या माहितीनुसार, डॉ. ब्लादिस्लाव आणि त्यांची चमू दररोज १५ मृतदेहांचे शवविच्छेदन करतात. यातील अनेक मृतदेह कुजले असून त्यांची अवस्था अत्यंत वाईट आहे. असे अनेक मृतदेह आहेत ज्यांची ओळख पटवणे अशक्य आहे. अनेकांचे चेहरे खराब झाले आहेत. त्यांच्या मृतदेहाचे अवशेष जोडावे लागतील. कधी कधी असा मृतदेहही सापडतो ज्याला डोके नसते, असे द गार्डियनला डॉ. ब्लाडिस्लाव्ह यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com