नेपाळमध्ये रविवारी मोठा विमान अपघात झाला. नेपाळच्या पोखरा इथं यति एअरलाईन्सचं विमान ATR-72 क्रॅश झालं. पूर्ण तपासानंतर आता या अपघातामागचं कारण कळलं आहे.
यति एअरलाईन्सच्या या विमानाचं उड्डाण काठमांडूमधून झालं होतं. यामध्ये ६८ प्रवासी आणि ४ क्रू मेंबर होते. या अपघातात या सगळ्यांचाच मृत्यू झाला असल्याची माहिती हाती येत आहे. सोशल मीडियावरही या अपघाताचा एक व्हिडीओ व्हायरल होत आहे.
नेपाळमध्ये गेल्या काही दिवसांमध्ये मोठे विमान अपघात होत आहे. या विमानाने रविवारी काठमांडूमधून पोखराकडे जाण्यासाठी उड्डाण केलं होतं. या विमान अपघाताचा सोशल मीडियावर जो व्हिडीओ व्हायरल झाला आहे, त्यामध्ये स्पष्ट दिसतंय की आभाळ मोकळं आहे आणि वातावरणही स्वच्छ आहे.
या क्रॅशची चौकशी करणाऱ्या टीमच्या एका सदस्याने आजतकला दिलेल्या माहितीनुसार, या व्हिडीओत दाखवल्याप्रमाणे विमानाचा वरचा भाग थोडा वर गेला आणि त्यानंतर विमानाचे पंख डाव्या बाजूला झुकले, अशा पद्धतीने हा अपघात झालेला असू शकतो. पण संपूर्ण सखोल तपास झाल्यानंतर या अपघाताचं कारण कळेल, असंही त्याने सांगितलं.
मात्र, विमानाची दिशा चुकणे, विमानातल्या सिस्टीमध्ये बिघाड किंवा थकलेला पायलट अशी काही या अपघाताची कारणं असू शकतात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.