१६ वर्षांपूर्वी विमान अपघातात पती गमावला, आज तीही…; लँडिंगनंतर मिळणार होतं प्रमोशन | Nepal Plane Crash | Sakal
sakal

बोलून बातमी शोधा

nepal plane crash co pilot anju khativada also lost her husband in plane crash  promoted as captain after landing

Nepal Plane Crash : १६ वर्षांपूर्वी विमान अपघातात पती गमावला, आज तीही…; लँडिंगनंतर मिळणार होतं प्रमोशन

नेपाळमधील पोखरा येथे विमानतळावर उतरताना रविवारी (१५ जानेवारी) पाच भारतीयांसह ७२ जणांना घेऊन जाणारे नेपाळी प्रवासी विमान कोसळले.या अपघातात आतापर्यंत ६८ जणांचे मृतदेह बाहेर काढण्यात आले आहेत.

या भीषण अपघातानंतर जून काही मृतदेह बाहेर काढायचे आहेत.तसेच शोध मोहीम आजसाठी थांबवण्यात आली आहे अशी माहिती नेपाळ लष्कराच्या अधिकाऱ्यानी दिली आहे. या दरम्यान, या अपघातात कोसळलेल्या विमानाची को-पायलट अंजू खतिवडा ( Anju Khativada) यांच्याबद्दल ऐकून सर्वांचेच डोळे पाणावले आहेत.

विमानाच्या सहवैमानिक (Co-Pilot) अंजू खतिवडा यांचे को-पायलट म्हणून हे शेवटचे उड्डाण होते. आज सुरक्षित लँडिंग करून त्या कॅप्टन बनणार होत्या. कॅप्टन होण्यासाठी त्यांनी सीनियर पायलट आणि इन्स्ट्रक्टर कमल केसी यांच्यासोबत फ्लाइटमध्ये गेल्या. पायलट होण्यासाठी किमान 100 आवर्स(तास) उड्डाणाचा अनुभव आवश्यक आहे. को-पायलट अंजू यांनी याआधीही नेपाळच्या जवळपास सर्व विमानतळांवर यशस्वीपणे उतरवले होते.

हेही वाचा: Nagpur News : संक्रांत कडू झाली! बापासमोरचं पोटच्या लेकराचा दुर्दैवी अंत; माजांने घेतला बळी

यशस्वी लँडिंगनंतर मिळणार होतं कँप्टन पद

पोखराकडे उड्डाण करताना कॅप्टन केसी यांनी त्यांना मुख्य वैमानिकाच्या सीटवर बसवले होते. आज, यशस्वी लँडिंगनंतर, अंजू यांना मुख्य वैमानिकाचा परवाना मिळणार होता, परंतु दुर्दैवाने, फक्त १० सेकंदांच्या अंतरावर, तिची स्वप्ने आणि आकांक्षा धुळीत मिळाल्या आहेत.

यती एअरलाइन्सच्या विमानाच्या को-पायलट कॅप्टन होण्यापूर्वी १० सेकंद आधी त्यांना मृत्यू आला. कॅप्टन केसी यांना पायलट म्हणून ३५ वर्षांचा अनुभव होता. केसी यांनी याआधी अनेक वैमानिकांना प्रशिक्षण दिले आहे आणि त्यांचे प्रशिक्षित लोक आज यशस्वी वैमानिक म्हणून ओळखले जातात.

हेही वाचा: Nashik Graduate Election : काँग्रेसचा तांबेंना झटका! सुधीर तांबें पक्षातून निलंबित

पतीचाही विमान अपघातातच मृत्यू

या दुःखद घटनेचा आणखी एक योगायोग असा की को-पायलट अंजू यांचे पती दीपक पोखरेल यांचाही विमान अपघातात मृत्यू झाला आणि तेही यती एअरलाइन्समध्ये होते. १६ वर्षांपूर्वी त्यांच्या पतीचा को-पायलट म्हणून मृत्यू झाला होता.

२१ जून २००६ रोजी अपघात झालेल्या यती एअरलाइन्सच्या विमानाचा को-पायलट दीपक हे होते. नेपाळगंजहून सुर्खेतमार्गे जुम्ला येथ जाणारे यति एअरलाइन्सचे 9N AEQ विमान कोसळले होते ज्यात ६ प्रवासी आणि ४ क्रू मेंबर्सचा मृत्यू झाला होता.