न्यूयॉर्कमध्ये अग्नीतांडव! १९ जणांचा मृत्यू, ३२ जण गंभीर

न्यूयॉर्क - न्यूयॉर्कमध्ये एका रहिवाशी इमारतीला आग लागून भीषण दुर्घटना घडली आहे. यामध्ये १९ जणांचा मृत्यू झाला असून हा आकडा वाढण्याची भीती व्यक्त केली जात आहे. मृतांमध्ये लहान मुलांचाही समावेश आहे. घटनास्थळी अग्निशमन दलाच्या गाड्या पोहोचल्या आहेत. आग आटोक्यात आणण्यासाठी अग्निशमन दलाकडून शर्थीचे प्रयत्न सुरु आहेत.

महापौर एडम्स यांनी सांगितलं की, न्यूयॉर्क शहरातील या घटनेनं खूप दु:ख झालं. आगीची ही घटना एक कटू आठवण म्हणून लक्षात राहिलं. आगीत मोठ्या संख्येनं लोक होरपळले आहेत. ३२ लोक गंभीर असून त्यांच्यावर उपचार सुरु आहेत.

आग इतकी भीषण आहे की ती आटोक्यात आणण्यासाठी अग्निशमन दलाच्या २०० गाड्या घटनास्थळी पोहोचल्या आहेत. ब्रोक्स ज्यूच्या पश्चिमेला असणाऱ्या एका १९ मजली इमारतीत ही आग भडकली. ११ वाजण्याच्या सुमारास दुसऱ्या आणि तिसऱ्या मजल्यावर आग पसरण्यास सुरुवात झाली.