आता चीन पाकिस्तानला अंतराळ मोहिमेतही करणार मदत, उपग्रह पाठवणार

पाकिस्तानला (pakistan) व्यापारापासून ते शस्त्रास्त्रांपर्यंत मदत करणारा चीन (china) आता त्याच्यासोबत अंतराळ मोहीमेतही (space mission) मदत करणार आहे. इस्लामाबादच्या (islamabad) सहकार्याने ते अंतराळ कार्यक्रम (satellites program) पुढे नेणार असल्याचे चीनच्या वतीने सांगण्यात आले आहे. पाकिस्तानसाठी स्पेस स्टेशन बांधण्यापासून ते अधिकाधिक उपग्रह सोडणार असल्याची घोषणा चीनने शुक्रवारी केली.

चीनचा स्पेस प्रोग्रॅम 2021 काय आहे?

चीनच्या स्पेस प्रोग्रॅम 2021 अंतर्गत जारी करण्यात आलेल्या श्वेतपत्रिकेत पाकिस्तानचा अनेकदा उल्लेख करण्यात आला आहे. त्यात म्हटले आहे की, चीन पाकिस्तानसाठी उपग्रह विकसित करणे आणि स्पेस स्टेशन बांधणीसाठी सहकार्य करणार आहे. याशिवाय येत्या पाच वर्षांत काम आणखी वाढवणार आहेत. चीन स्वतःचे स्पेस स्टेशन बनवत आहे, जे या वर्षाच्या अखेरीस पूर्ण होण्याची अपेक्षा आहे. चीनने चंद्र आणि मंगळावरील आपली मोहीम यशस्वीपणे पूर्ण केली आहे.

चीनकडून प्रक्षेपणात अनेक देशांना मदत

पाकिस्तानला यापूर्वी चीनने अनेक देशांना उपग्रह प्रक्षेपणात मदत केली आहे. चीनची उपग्रह निर्माण करण्यासाठी किंवा प्रक्षेपित करण्याची सेवा आतापर्यंत सौदी अरेबिया, पाकिस्तान, अर्जेंटिना, ब्राझील, कॅनडा या देशांना देण्यात आली आहे.