रशिया घालणार मित्र नसलेल्या देशांच्या प्रवेशावर बंदी!

युक्रेनवर रशियाच्या (Russia) हल्ल्याला एक महिनाहून अधिकचा काळ लोटला आहे. मात्र, अजूनही युद्ध संपले नाही. उलट ताण वाढतच चालला आहे. अशात रशिया मित्र नसलेल्या देशांच्या प्रवेशावर बंदी घालण्याच्या तयारीत असल्याचे रशियाचे परराष्ट्र मंत्री सर्गेई लावरोव्ह यांनी म्हटले आहे.

एएफपी या वृत्तसंस्थेने दिलेल्या माहितीनुसार, रशिया मित्र नसलेल्या देशांच्या प्रवेशावर बंदी घालण्याच्या तयारीत आहे. रशियन वेढ्याचे बळी ठरलेले युक्रेनचे (ukraine) चेर्निहाइव्ह शहर ढिगाऱ्याच्या खाली दबले आहे. येथे राहणारे लोक दिवसा पिण्यासाठी पाण्याची तळमळ करीत आहेत. अन्नाच्या शोधात धोका पत्कारून बाहेर येत आहेत, असेही रशियाचे परराष्ट्र मंत्री सर्गेई लावरोव्ह यांनी म्हटले आहे.

मारियुपोलप्रमाणे रशियन (Russia) सैन्याने चेर्निहाइव्हला वेढा घातला आहे. रस्त्यावर मृतदेह पडलेले आहेत आणि लोक विनाश पाहत आहेत. युक्रेनमधील त्यांच्या लष्करी मोहिमेचा पहिला टप्पा संपला आहे. त्यांचे सैन्य आता पूर्व डॉनबास प्रदेशाच्या मुक्तीवर लक्ष केंद्रित करेल, असे रशियन सैन्याचे म्हणणे आहे.

शंभर डॉलर दशलक्ष मदत देण्याचे आश्वासन

अमेरिकाने युद्धग्रस्त युक्रेनला (ukraine) नागरी संरक्षणासाठी अतिरिक्त शंभर डॉलर दशलक्ष मदत देण्याचे आश्वासन दिले आहे. युक्रेनला सीमा सुरक्षा, नागरी कायदा अंमलबजावणी कार्ये आणि गंभीर सरकारी पायाभूत सुविधांचे संरक्षण करण्यासाठी ही मदत दिली जाईल, असे अमेरिकेचे परराष्ट्र सचिव अँटनी ब्लिंकन यांनी सांगितले.