रशिया (Russia) आणि युक्रेन (Ukraine) यांच्यात सुरू असलेल्या संघर्षात अनेक निष्पापांचेही जीव जात आहेत. दोन दिवसांपूर्वी एका भारतीय विद्यार्थ्यालाही आपला जीव गमवावा लागला होता. या घटनेनंतर आता युक्रेनची राजधानी किव्हमध्ये आणखी एका भारतीय विद्यार्थ्याला गोळी लागल्याची माहिती समोर आली आहे. या विद्यार्थ्याला रुग्णालयात दाखल करण्यात आले आहे.
माध्यमांशी बोलताना नागरी विमान वाहतूक मंत्रालयाचे राज्यमंत्री (MOS) जनरल व्हीके सिंग यांनी पोलंडच्या रझेझो विमानतळावर असताना ही माहिती दिली आहे. जनरल सिंग यांनी माध्यमांना सांगितलं की, कीव्हमध्ये राहत असलेल्या एका भारतीय विद्यार्थ्याला गोळी लागल्याची माहिती मिळाली आणि त्याला तात्काळ कीव येथील रुग्णालयात दाखल करण्यात आलंय.
"भारतीय दूतावासातील सर्वांनी याआधीच कीव्ह सोडले पाहिजे, असे याआधीच स्पष्ट केले होते. युद्धाच्या प्रसंगी बंदुकीची गोळी कोणाचाही धर्म आणि राष्ट्रीयत्व पाहत नाही," असंही ते यावेळी म्हणाले आहेत. सध्या भारताचे चार केंद्रीय मंत्री, हरदीपसिंग पुरी, ज्योतिरादित्य एम सिंधिया, किरेन रिजिजू आणि जनरल व्हीके सिंग युक्रेनच्या शेजारी राष्ट्रांमध्ये जाऊन भारतीय विद्यार्थ्यांच्या सुटकेसाठी प्रयत्न करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
