Russia-Ukraine War Live: कीव्हच्या वायव्य भागातील लढाई जोरात सुरु

पूर्व युक्रेनमधील सेवेरोडोनेस्तक शहरात झालेल्या रशियाच्या लष्करी हल्ल्यात किमान 10 लोक ठार झाले आहेत. एएफपीने स्थानिक अधिकाऱ्याच्या हवाल्याने वृत्त दिले आहे.

खार्किव्ह, चेर्निहाइव्ह, सुमी आणि मारियुपोल ही शहरे रशियन सैन्याने वेढलेली राहिली असून मोठी धुमश्चक्री सुरु आहे.

कीव्हच्या वायव्य भागातील लढाई अद्यापही चालूच आहे. यामध्ये रशियन सैन्य कोणत्याही प्रकारचं महत्त्वपूर्ण यश मिळवण्यात अद्याप तरी अपयशी ठरले आहे.

बांगलादेशच्या पंतप्रधान शेख हसीना यांनी ‘ऑपरेशन गंगा’ अंतर्गत युक्रेनमधून आपल्या 9 नागरिकांची सुटका केल्याबद्दल पंतप्रधान नरेंद्र मोदींचे आभार मानले आहेत. या कारवाईत नेपाळी, ट्युनिशियाच्या विद्यार्थ्यांचीही सुटका करण्यात आली आहे.

झायटोमिर आणि खार्किवमधील निवासी इमारतींवर हवाई हल्ले करण्यात आले असून यामध्ये 3 मुलांसह 7 जण ठार

पेप्सिकोने रशियामधील पेप्सी-कोला आणि इतर पेयांचे उत्पादन आणि विक्री स्थगित केली आहे.

या युद्धात किती जण मारले गेले आहेत याबाबतची अचूक संख्या अज्ञात आहे. मात्र, तरीही युक्रेन आणि संयुक्त राष्ट्रांनी असा अंदाज लावला आहे की या लढाईत हजारो रशियन सैन्य आणि नागरिक मारले गेले आणि बरेच जण जखमी झाले आहेत.

युनायटेड नेशन्सच्या मानवाधिकार कार्यालयाने सांगितलंय की, त्यांनी युक्रेनमध्ये आतापर्यंत 1,335 नागरिकांच्या मृत्यूची पडताळणी केली असून यामध्ये 474 ठार आणि 861 जखमी आहेत, परंतु खरा आकडा जास्त असण्याची शक्यता आहे.

युक्रेनने म्हटलंय की, त्यांच्या सैन्याने 11,000 हून अधिक रशियन सैनिकांना ठार केले आहे. रशियाने सुमारे 500 मृतांची पुष्टी केली आहे. दोन्ही बाजूंनी युक्रेनच्या जीवितहानीबद्दल खुलासा केलेला नाही.

कोका-कोला कंपनीने रशियामधील आपला व्यवसाय स्थगित केला आहे. यावेळी कोका-कोलाने म्हटलंय की, "आमचं अंतःकरणं त्या लोकांसोबत आहे, जे युक्रेनमधील या दुःखद घटनांचे भयानक परिणाम सहन करत आहेत."