रशियाचे तेल बंद करा-उर्सुला व्हॉन | Sakal
sakal

बोलून बातमी शोधा

russia ukraine war update European countries should completely stop importing oil from russia Ursula von

रशियाचे तेल बंद करा-उर्सुला व्हॉन

ब्रुसेल्स : रशियाच्या अर्थव्यवस्थेला लक्ष्य करण्यासाठी त्यांच्याकडून युरोपीय देशांनी तेल आयात पूर्णपणे बंद करावी, असे आवाहन युरोपीय आयोगाच्या अध्यक्षा उर्सुला व्हॉन देर लेयेन यांनी युरोपीय समुदायातील २७ देशांना केले आहे. रशियावर निर्बंधांचा सहावा टप्पाही लागू करण्याचा प्रस्ताव त्यांनी मांडला आहे. रशियाकडून युरोपमध्ये मोठ्या प्रमाणावर तेलनिर्यात होते. यातून रशियाला फायदा होतो. युक्रेनमध्ये सुरु असलेल्या युद्धाचा जागतिक अर्थव्यवस्थेवरही परिणाम झाला. त्यामुळे रशियाची आर्थिक कोंडी करण्यासाठी त्यांच्याकडून तेल खरेदी बंद करावी, असे आवाहन उर्सुला यांनी केले. रशियावर निर्बंधांचा सहावा टप्पा लागू करताना त्या देशातील आणखी तीन मोठ्या बँकांना ‘स्विफ्ट’ या बॅकिंग व्यवहार यंत्रणेतून वगळण्याचा प्रस्तावही त्यांनी युरोपसमोर ठेवला आहे.

पोपास्ना शहरावर तीव्र हल्ले

युक्रेनच्या पूर्व भागातील दोनेत्स्क आणि लुहान्स्क या प्रदेशांवर रशियाने आजही बाँबवर्षाव केला. येथील पापस्ना शहर दुर्गम भागात असल्याने येथलि नागरिकांसाठी बचत मोहिम राबविणे सोपे नाही, असे युक्रेनच्या अधिकाऱ्यांनी सांगितले. या युद्धात इतर देशांनी हस्तक्षेप करण्यास रशियाचा विरोध असून ‘नाटो’च्या मालवाहतूक करणाऱ्या गाड्यांना लक्ष्य करणार असल्याचे रशियाचे संरक्षण मंत्री सर्गे लाव्हरोव्ह यांनी आज स्पष्ट केले. या गाड्यांमधून युक्रेनला शस्त्रपुरवठा होतो, असा रशियाचा दावा आहे. रशियाने आज काळ्या समुद्रातील पाणबुडीतूनही युक्रेनवर हल्ले केले.

रस्ते अपघातात २६ मृत्युमुखी

युक्रेनमध्ये आज बस आणि इंधन घेऊन जाणाऱ्या ट्रकची टक्कर होऊन झालेल्या अपघातात २६ जणांचा मृत्यू झाला. ही बस पोलंडच्या दिशेने जात होती. या बसमध्ये स्थलांतर करणारे नागरिक होते का, याबाबत निश्‍चित माहिती मिळालेली नाही.

युद्धाच्या आघाडीवर

  • बेलारुसच्या सैन्याचाही सामना करण्यास सज्ज : युक्रेन

  • क्रामातोर्स्क आणि सेवेरोदोनेत्स्क ही शहरे ताब्यात घेण्यासाठी रशियाचे प्रयत्न

  • दोन्बासमधील उत्तर भागावर रशियाचे पूर्ण वर्चस्व

  • मारिऊपोलमधून बचाव मोहिम सुरुच, अनेकांना सुरक्षित बाहेर काढले

  • पुतीन यांना भेटण्याची पोप यांची इच्छा

  • मेक्सिकोमध्ये हजारो स्थलांतरीत

मेक्सिकोसिटी : अमेरिकेत स्थलांतर करण्यासाठी युक्रेनचे शेकडो स्थलांतरीत लोक मेक्सिको सिटीमध्ये दाखल झाले आहे. या सर्वांना अमेरिकेकडून अद्याप प्रवेशाची परवानगी मिळालेली नाही. या शहरातील एका मैदानावर युक्रेनहून येणाऱ्या स्थलांतरीतांसाठी छावणी उभारण्यात आली आहे. दररोज सुमारे पन्नास ते शंभर युक्रेनी नागरिक युरोपमधून विमानाद्वारे मेक्सिकोत येत आहेत. दहा हजार युक्रेनी नागरिकांना आश्रय देण्याची घोषणा अमेरिकेने केली आहे.

Web Title: Russia Ukraine War Update European Countries Should Completely Stop Importing Oil From Russia Ursula Von

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top