ऑस्ट्रियाची राजधानी व्हिएन्ना येथे दहशतवादी हल्ला, 7 जण ठार

terror attack viena.jpg
terror attack viena.jpg

व्हिएन्ना- फ्रान्समधील दहशतवादी हल्ल्याची घटना ताजी असतानाचा आता युरोपमध्ये आणखी एका देशावर असाच हल्ला झाला आहे. ऑस्ट्रियाची राजधानी व्हिएन्ना येथे झालेल्या गोळीबारात आतापर्यंत 7 जण ठार झाल्याचे वृत्त समजत आहे. या दहशतवादी हल्ल्यात अनेक जण जखमी झाले आहेत. ऑस्ट्रियाच्या गृह मंत्रालयाने हा दहशतवादी हल्ला असल्याचे म्हटले आहे. पोलिसांनी प्रत्युत्तरादाखल केलेल्या हल्ल्यात एक हल्लेखोर ठार झाल्याचे सांगण्यात येते. 

ऑस्ट्रियाचे चान्सलर सेबेस्टियन कुर्ज यांनी हा अत्यंत घृणास्पद हल्ला असल्याचे म्हटले आहे. हल्लेखोरांनी विविध ठिकाणी अंधाधुंद गोळीबार केला. यात अनेकजण जखमी झाले आहेत. यामध्ये एका पोलिसाचाही समावेश आहे. व्हिएन्ना पोलिसांनी टि्वट करुन एका संशयित हल्लेखोराचा खात्मा केल्याचे सांगितले. 

ऑस्ट्रियाच्या गृहमंत्र्यांनी हल्लेखोरांविरोधात सुरक्षा दलाचे ऑपरेशन सुरु असल्याचे माध्यमांना सांगितले. व्हिएन्नाचे महापौर मायकल लुडविग यांच्या मते 15 जखमींना रुग्णालयात दाखल करण्यात आले आहे. सात जणांची प्रकृती गंभीर आहे. 

अनेक शस्त्रसज्ज हल्लेखोरांनी एकाचवेळी सहा वेगवेगळ्या ठिकाणी हल्ला केल्याचे व्हिएन्ना पोलिसांनी सांगितले. पहिला गोळीबार स्थानिक वेळेनुसार सकाळी 8 वाजता झाला. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com