Live मिटींगमध्ये घडला धक्कादायक प्रकार

गेल्या वर्षभरापासून जगात कोरोना विषाणूने थैमान घातलं आहे. दिवसेंदिवस कोरोनाग्रस्तांची संख्या वाढत असल्यामुळे अनेक ठिकाणी लॉकडाउन घोषित करण्यात आला आहे. त्यामुळे अनेक जण सध्या वर्क फ्रॉम होम करत आहेत. यामध्येच जगभरतील अनेक कंपन्या किंवा अन्य क्षेत्रातील मिटींग्स, बैठकादेखील झूमद्वारे होत आहेत. विशेष म्हणजे या ऑनलाइन मिटिंगदरम्यान अनेक भन्नाट किस्से घडत असल्याचं आपल्या ऐकिवात आहे. अशाच एका प्रकाराची सध्या सोशल मीडियावर चर्चा रंगली आहे. द. आफ्रिकेच्या (South African) एका मंत्र्याची लाईव्ह मिटींग सुरु असतांना त्यांची पत्नी चक्क नग्न अवस्थेत समोर आल्यामुळे एकच गोंधाळ उडाला आहे. (South African leader Xolile Ndevu wife seen naked during live zoom meeting).

काही दिवसांपूर्वी द. आफ्रिकेच्या संसदीय समितीच्या सदस्यांची एक मिटींग आयोजित करण्यात आली होती. या मिटींगमध्ये Xolile Ndevu हे कोरोनावर नियंत्रण व त्यावरील उपाययोजना यावर माहिती देत होते. मात्र, ही मिटींग सुरु असतांना त्यांची पत्नी आंघोळ करुन अचानक त्यांच्या मिटींग रुममध्ये आली. विशेष म्हणजे त्या नग्नावस्थेत असल्यामुळे ही मिटींगमध्येच स्थगित करावी लागली.

आयोजित करण्यात आलेल्या झूम मिटींगमध्ये द. आफ्रिकेतील एकूण २३ मोठे नेते सहभागी झाले होते. ही मिटींग सुरु असतांना Xolile Ndevu च्या पत्नी बाथरुममधून नग्नावस्थेत बाहेर आल्या ज्यामुळे संसदीय समितीच्या प्रमुखांनी हस्तक्षेप करत ही बैठक स्थगित केली.

"तुमच्या मागे असलेल्या व्यक्तीने योग्य प्रकारचे कपडे परिधान केलेले नाहीत. आम्हाला सगळ्यांना कॅमेरात सारं काही दिसत आहे. तुम्ही मिटींगमध्ये असल्याची कल्पना त्यांना दिली नव्हती का?आम्हाला जे दिसतंय तो अत्यंत विचित्र प्रकार आहे. हा काही पहिला प्रसंग नाही. यापूर्वीदेखील तुमच्याशी संवाद साधतांना असे प्रकार घडले आहेत. तुम्ही लाईव्ह टीव्हीवर आहात", असं समितीच्या प्रमुख म्हणाल्या.

दरम्यान, झालेल्या प्रकाराविषयी Xolile Ndevu यांनी जाहीरपणे माफी मागतिली. तसंच या घटनेविषयी प्रसारमाध्यमांमध्ये स्पष्टीकरणही दिलं.