वॉशिंग्टन: अमेरिकेत आलेल्या परदेशी नागरिकांनी ३० दिवसांपेक्षा अधिक काळ वास्तव्य केल्यास त्याची सरकारकडे नोंदणी करणे आवश्यक आहे आणि असे न केल्यास दंड किंवा तुरुंगवासाची शिक्षा होऊ शकते, असा इशारा ट्रम्प प्रशासनाने दिला आहे. या निर्णयाचा फटका एच-१ बी व्हिसा असणाऱ्यांना बसणार नाही. मात्र, अमेरिकेत बेकायदा राहणाऱ्यांवर कठोर कारवाई करण्याचे सूतोवाच यातून दिले गेले आहेत.