आबेंच्या हत्येच्या छायेत जपानमध्ये मतदान | Sakal
sakal

बोलून बातमी शोधा

Voting for the upper house election in Japan

आबेंच्या हत्येच्या छायेत जपानमध्ये मतदान

टोकियो - माजी पंतप्रधान शिंझो आबे यांच्या शुक्रवारी (ता. ८) झालेल्या हत्येच्या छायेत आज जपानमध्ये वरीष्ठ सभागृहाच्या निवडणुकीसाठी मतदान झाले. या निवडणुकीमध्ये आपल्या लिबरल डेमोक्रॅटिक पार्टीच्या प्रचारासाठी भाषण करत असतानाच हल्लेखोराने आबे यांना गोळी मारली होती. या निवडणुकीत आबे यांच्याच पक्षालाच मोठा विजय मिळण्याचा अंदाज व्यक्त करण्यात आला आहे.

आबे हे जपानच्या राजकारणातील अत्यंत प्रभावी व्यक्तीमत्त्व होते. त्यामुळे आजच्या निवडणुकीला अचानक मोठे महत्त्व आले आहे. आबे यांच्यावरील गोळीबारानंतर जवळपास सर्वच नेत्यांनी या घटनेचा निषेध करताना अभिव्यक्ती स्वातंत्र्याचे महत्त्व सांगितले. आपली लोकशाही आणि निवडणूक प्रक्रिया हिंसाचारासमोर झुकणार नाही, हे मतदारांनी दाखवून द्यावे, असे आवाहन जपानचे पंतप्रधान फ्युमिओ किशिदा यांनी केले.

दरम्यान, जपानी नागरिक मतदान करत असतानाच शिंझो आबे यांच्यावर गोळीबार करणाऱ्या तेत्सुया यामागामी या हल्लेखोराला अधिक चौकशीसाठी स्थानिक चौकशी समितीच्या ताब्यात देण्यात आले. सुरक्षा व्यवस्थेत त्रुटी राहिल्यानेच हल्लेखोर आबे यांच्या नजीकपर्यंत जाऊन गोळी मारू शकला, असे पोलिसांनी मान्य केले आहे. आज आबे यांचे पार्थिव मृतदेह टोकियो येथे आणण्यात आले. त्यावर मंगळवारी अंत्यसंस्कार होणार आहेत.

Web Title: Voting For The Upper House Election In Japan

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :JapanVoting
go to top