वेट वाइप्स वापरताना काय काळजी घ्याल?

नागपूर - सध्या स्वच्छता आपल्या आय़ुष्यातील महत्वाचा भाग बनलाय. मग ते शरीराची असो किंवा परीसराची. चेहऱ्याची स्वच्छता करण्यासाठी आपण घरी असताना चेहरा साबणाने धुतो. मात्र, बाहेर गेल्यानंतर ते शक्य नसतं. त्यामुळे आपण वेट वाइप्सचा वापर करत असतो. पण, वेट वाइप्स वापरताना घ्यावयाची काळजी बऱ्याच जणांना माहिती नसते.

अशी घ्या काळजी -

• जंतूनाशक वाइप्स चेहऱ्यावर अजिबात वापरू नका. त्यामुळे त्वचेला त्रास होण्याची शक्यता असते. त्वचेवर पुरळ येणे, खाज सुटणे, सूज येणे यांसारख्या समस्या उद्भवण्याची शक्यता असते. वाइप्समधील रसायनांमुळे हे घडू शकते. त्यामुळे चेहऱ्यासाठी साधे वेट वाइप्स तुम्ही वापरू शकता. 

हेही वाचा - पोटाच्या विकारांपासून तर वजन कमी करण्यापर्यंत फायदेशीर बुरशीजन्य पदार्थ

• एकच वाइप्स परत वापरला तर ते धोकादायक ठरू शकतं. एखाद्या वस्तूचा पृष्ठभाग स्वच्छ केल्यानंतर तोच वाइप्स वापरल्यास जिवाणू आणि विषाणू घरभर पसरू शकतात. त्यामुळे शक्यतो हे टाळाच.
• वाइप्स फळांचे निर्जंतुकीकरण करण्यासाठी वापरू नका. सफरचंद, नाशपती अशी फळे स्वच्छ करण्यासाठी वाइप्सचा चुकूनही वापर करू नका. ते धोकादायक ठरू शकतं. तसेच फळे पाण्याने धुवून स्वच्छ कपड्याने कोरडी करून घ्या.

हेही वाचा - थांबवता येऊ शकते आत्महत्या ! केवळ हवा असतो पाठीवर आपलेपणाचा हात

• वाइप्सची योग्य विल्हेवाट - वाइप्स टॉयलेयमध्ये फ्लश केले तर पाइपमध्ये अडकून पाणी तुंबण्याची शक्यता असते. ते पर्यावरण आणि माणसाच्या आरोग्यासाठी चांगले नाही. त्यामुळे झाकण असलेल्या कचराकुंडीमध्येच वाइप्स टाकून द्या.