माझा फिटनेस : माझे शरीरच माझा गुरु

तुम्हाला आतून आनंदी वाटत असल्यास तुम्ही कशानेही अस्वस्थ होणार नाही आणि तुमचे मन शांत असल्यास तुम्ही निरोगी असाल व छान काम कराल.

चांगले खाणे, व्यायाम करणे आणि पुरेशी झोप घेणे, हे निरोगी राहण्याचे मार्ग आहेत. तुमचे विचार तुमच्या जीवनाची गुणवत्ता ठरवितात, असे म्हटले जाते आणि हाच मंत्र मी पाळतो. नकारात्मक विचारांकडे दुर्लक्ष करण्याचा, जास्त विचार करणे टाळण्याचा आणि सकारात्मक विचार करणाऱ्या व तसे जीवन जगणाऱ्या लोकांसोबत राहण्याचा मी प्रयत्न करतो. मी क्वचित जंक फूड खातो.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा 

मला माझ्या आईच्या हातचे जेवण जास्त आवडते. मी तीन वर्षांपासून अभिनय क्षेत्रामध्ये काम करत आहे; पण मी दररोज जीमला जात नाही. सध्या कोरोनामुळे घरात असल्याने व्यायामाचे तेच वेळापत्रक पाळत आहे. योग्य आहार, रोजचा व्यायाम नियमित करणे, योग्य हालचाली करणे आणि पुरेशी झोप घेणे महत्त्वाचे आहे. तुमच्या इच्छेनुसार शरीराचा आकार मिळविण्याचा हा एकमेव मार्ग आहे. मला जीमचे मूलभूत ज्ञान आहे. माझ्या प्रशिक्षकांकडून मी नेहमीच थोडेफार मार्गदर्शन व मदत घेत असतो. मी ध्यानधारणा करतो, संगीत ऐकतो किंवा एक डुलकी काढतो. त्यामुळे माझे मन ताजे होण्यास मदत होते. कलर्स हिंदी वाहिनीवर सुरू असलेल्या ‘शुभारंभ’ या मालिकेसाठी मी वजन कमी केले आहे. यामध्ये मी राजाची भूमिका साकारत आहे. फिटनेसबाबत माझा कोणी गुरू नाही किंवा मी कोणत्याही गुरूला फॉलो करत नाही. मी फक्त नेहमी फिटनेसचे व्हिडिओ पाहतो आणि माझ्या शरीराला योग्य असेल, त्याचेच पालन करतो. त्यामुळे माझे शरीर हाच माझा गुरू आहे. माझ्या शरीराच्या गरजेनुसार मी व्यायाम करतो. 
(शब्दांकन - अरुण सुर्वे)