Jaw Pain : सकाळी सकाळी जबडा दुखतो आहे? दुर्लक्ष करणं ठरू शकत धोक्याच, ही आहेत कारणं

Jaw Pain : सकाळी उठल्यावर अनेकांना जबडा दुखीचा त्रास असतो; याकडे दुर्लक्ष करणं धोक्याच असतं. आपण जे अन्न खातो ते खाण्यासाठी आपल्याला दातांची खूप जास्त गरज असते. पण अन्न चावतांना अनेकदा दाढ दुखणं, जबडा दुखणं अशा समस्या संभवतात. त्याचप्रमाणे, अनेक लोक तक्रार करतात की त्यांना सकाळी उठल्यानंतर जबड्यात तीव्र सणक जाणवते.

जबडामध्ये वेदना होणं धोकादायक आहे. एवढच नाही तर यामुळे तुम्हाला अनेक समस्यांना सामोर जाव लागू शकत. याचे कारण अयोग्य अन्न देखील असू शकत. याकडे दुर्लक्ष करू नका. कारण अन्न खाण्यासाठी निरोगी दात आणि जबडा असायला हवा म्हणजे तुम्ही अन्न चावून खाऊ शकता आणि आपले शरीर निरोगी होऊ शकते. याची ही कारणं असू शकतात.

दातांची झिज

विशेषत: रात्री झोपण्याआधी दात घासण्यासाठी अनेक लोक टाळाटाळ करतात, याचे दुष्परिणाम माहिती असूनही ते कंटाळा करतात. असे केल्याने दातांवर परिणाम तर होतोच, शिवाय जबड्यांवरही दाब पडतो आणि वेदना होतात.

दातांमध्ये पोकळी

तोंडात खराब बॅक्टेरिया जमा झाल्यामुळे दातांच्या पोकळीची समस्या उद्भवते. खूप गोड खाल्ल्यामुळे आणि दात व्यवस्थित साफ न केल्यामुळे दातात विशेषतः हिरड्यांमध्ये पोकळी तयार होते. ही समस्या सामान्य आहे, ती टाळण्यासाठी दिवसातून दोनदा दात घासा.

हिरड्यांच्या समस्या

जबडा दुखण्याच कारण हिरड्यांचा आजार देखील असू शकतो. त्यामुळे हिरड्यांमध्ये सूज येऊ शकते. असे दीर्घकाळ होत असेल तर ती गंभीर बाब ठरू शकते.