Don'ts In Weight Loss Journey : वेटलॉस जर्नीत या 5 चुका टाळा, ऋजुता दिवेकरने दिला सावधगिरीचा इशारा

Rujuta Diwekar Tips In Marathi :

वजन कमी करण्यासाठी मेहनत लागते, दृढ निश्चयी पण व्हावे लागते. बऱ्याचदा लोक वजन कमी करण्यासाठी प्रचंड मेहनत घेतात पण लहान लहान चुका त्यांच्या फिटनेसमध्ये मोठी अडचण निर्माण करतात. अशात त्या चुका सुधारणे आवश्यक असते.

याविषयी सेलिब्रीटी न्यूट्रिशनिस्ट ऋजुता दिवेकरने नुकतच इंस्टाग्राम अकाउंटवर याच चुकांविषयी सांगितले आहे. त्यांच्याकडूनच जाणून घेऊया कोणत्या गोष्टी लक्षात असायला हव्यात.

मॉन्सुन डाएट

ऋजुता दिवेकर नेहमीच आपल्या अकाउंटवरून वेगवेगळ्या टिप्स शेअर करत असतात. अशातच पावसाळ्या आरोग्य चांगले ठेवण्यासाठी काय खावे या विषयी सांगताना त्या म्हणाल्या, पावसाळ्यात आठवड्यातून २, ३ वेळा भूईमुगाच्या शेंगा, डाळी, मका, सूरण, अरबीची भाजी, काकडी आणि भोपळा इत्यादी खावे. राजगीरा खाण्याचाही सल्ला त्यांनी दिला.

या पद्धतीने कमी होऊ शकते वजन

• वजन कमी करण्यासाठी ऋजुता सांगतात की, तुम्हाला जेवढी भूक आहे तेवढेच खावे.

• व्यायामासाठी वेळ नक्की काढा.

• रोज वेळेत झोपण्याची सवय लावून घ्यावी.

• जेव्हाही काही खाल किंवा प्याल तेव्हा सेस्टेनिबिलीटीला डोक्यात नक्की ठेवा.

• आयुष्याचा आनंद घेत जगा. आपल्या कुटुंबासोबत, मित्रांसोबत प्रवास आणि काम एंजॉय करा.

कोणत्या चुका टाळाव्या?

• लोक प्रोजेक्ट हातात घेतल्यासारखे फक्त वजन कमी करायचे यावरच फोकस करतात. ऋजुता दिवेकर म्हणतात फक्त वजन कमी करावे एवढेच लक्ष्य नसावे.

• शरीराला हा वेटलॉस जर्नी स्वीकारण्यासाठी १२ आठवडे लागतात. त्यामुळे या काळात तुमचे यश किंवा अपयश म्हणून बघू नका.

• स्वतःला शिक्षा केली आहे असे म्हणून जबरदस्तीचा रामराम करत व्यायाम करू नका.

• शिवाय काही खाताना आपण अपराध करतोय की, काय अशी भावना ठेवू नका.

• प्रत्येक वेळी प्रत्येक स्टेप, प्रत्येक किलो, कॅलरीचा हिशेब ठेवू नका.