Women Health : महिलांनी कोणत्या वयात कोणत्या टेस्ट कराव्यात?

सुदृढ आरोग्य हे प्रत्येकालाच हवे असते आरोग्य उत्तम ठेवण्यासाठी आपण वाटेल ते प्रयत्न करतो पण अनेकदा आपल्याला विविध आजारांशी सामना करावा लागतो कधी कधी पूर्व काळजी म्हणून काही टेस्ट करणेही गरजेचे असते. फॅमिली फिजिशियन डॉ. अनिल पाटील यांनी कोणत्या वयात आपण कोणत्या टेस्ट कराव्यात, याविषयी सकाळशी संवाद साधताना सांगितले.

डॉ. अनिल पाटील म्हणतात...

• लहानपणापासून लहान मुलांच थायरॉईड तपासणे गरजेचे आहे. डिलिव्हरीनंतरही काही काही मूलभूत टेस्ट करणे बंधनकारक आहे.

• लहान मुलांमध्ये एलर्जीचे चे प्रमाण अधिक असते. त्यावेळी हेमोग्राम टेस्ट करावी.

• शाळेत गेल्यानंतर मुलांना ब्लड ग्रुप माहिती असणे आवश्यक असतं.

• काही मुलं खेळताना लवकर थकतात, अभ्यासात मन लागत नाही, मुलांची चि़डचिड होते अनेकदा अशा केसेस मध्ये मुलांचा डाईट व्यवस्थित नसतो. अशावेळी हिमोग्लोबीन कमी असू शकते, आयरन डिफिसीअन्सी तसेच व्हीटामिन्सची सुद्धा कमतरता असू शकते.

• १८ वर्षानंतर मुलींना मासिक पाळी दरम्यान पीसीओडीचा त्रास अधिक होतो. अशावेळी मुलींना सोनोग्राफी केलेली बरी असते.

• १६ वर्षानंतर मुलींनी सोनोग्राफी, थायरॉईड आणि हेमोग्राम टेस्ट केलेलं अधिक चांगलं आहे. वेटलॉस किंवा वेटगेन किंवा पीसीओडीचा त्रास असेल तर सोनोग्राफी करावी.

• लग्नाच्या आधी HBsAg किंवा HIV सारख्या टेस्ट कराव्यात.

• वयाच्या ३१व्या वर्षी मेटाबोलिस्म डिसऑर्डर, हेमोग्राम, लुपीड प्रोफाईल, ब्लड शुगर किडनी फंक्शन टेस्ट कराव्यात. या आजारांना वयाची लिमिट नाही कारण हल्ली कमी वयात खूप लवकर स्ट्रेस येतो.

• स्त्रियांनी चाळीशी नंतर कुठे गाठ आली असेल किंवा कुठे त्रास वाटत असेल तर त्या त्याचवेळी टेस्ट कराव्यात

• ४० नंतर महिलांनी गर्भाशयाचा भागावर कोणतेही इनफेक्शन तर नाही हे तपासावे.

• वयोवृद्ध व्यक्तींनी सहा महिन्यांनी फुल बॉडी चेकअप करावा.

डॉ. अनिल पाटील म्हणतात, "लग्नाच्या आधी कुंडली जोडण्याचा जसा अट्टाहास आपण करतो तसाच अट्टाहास लग्नाआधी टेस्ट करण्याचाही करावा. सोबतच तरुणांनी जीम मध्ये जाताना इंजेक्शनचा वापर करू नये. आरोग्यानुसार योग्य आहार घेणे अत्यंत गरजेचे आहे. जिम लावावी पण जिमला बॉडी बिल्डिंगचा मार्ग समजू नये. जीम करताना विशेष काळजी घ्यावी त्यापेक्षा योगा आणि व्यायाम अधिक उत्तम आहे."

"बदलत्या राहणीमानानुसार लाईफस्टाईलमुळे कोणत्याच आजाराला वयाचे बंधन नाही त्यामुळे टेस्ट करताना सुद्धा वयाचे बंधन ठेऊ नये किंवा वय बघू नये", असे ही ते म्हणतात.