जळगाव : राज्यात पसरलेली गोवरची साथ लक्षात घेऊन महापालिकेतर्फे शहरातील विविध भागांत गोवरचे लसीकरण करण्यात येत आहे. शहरात १७२ संशयित रुग्ण आढळले आहेत. नागरिकांनी आपल्या घरातील नऊ महिने ते पाच वर्षीय बालकांना लसीकरण करून घ्यावे, असे आवाहन महापालिकेने केले आहे.
महापालिकेतर्फे गुरुवार (ता. १५)पासून ते रविवार (ता. २५)पर्यंत विविध भागांत बालकांना लसीकरण करण्यात येणार आहे. रविवारी (ता. १८) लसीकरणावेळी तीन संशयित रुग्ण आढळून आले. त्यामुळे संशयित रुग्णांची संख्या १७२ झाली आहे. (172 suspected measles patients Immunization for children aged 9 months to 5 years Jalgaon News)
हेही वाचा : असं एक गाव, जिथं जमिनीला कान लावला तरी संगीत ऐकू येतं...
मात्र, पॉझिटीव्ह रुग्ण एकही आढळून न आल्याने त्यांची संख्या आजही बाराच आहे. साथीचा उद्रेक होत असलेल्या भागात गोवरचे अतिरिक्त डोस देण्यात येत आहेत. सोमवारी (ता. १९) गोवरचे अकरा अतिरिक्त डोस देण्यात आले.
आतापर्यंत गोवर रुबेलाचे २७२ अतिरिक्त डोस देण्यात आले. लसीकरण मोहीम सुरूच राहणार असून, नागरिकांनी आपल्या मुलांना लसीकरण करून घ्यावे, असे अवाहन मुख्य वैद्यकीय अधिकारी डॉ. राम रावलांनी यांनी केले आहे. लसीकरण मोहिमेस महापालिकेचे सहाय्यक आयुक्त सुनील गोराणे यांचे मार्गदर्शन लाभत आहे.
आजची लसीकरण केंद्रे
दादावाडी : डॉ. वाणी दवाखाना, कांचनगर : बालवाडी, जुना खेडी रोड : माऊलीनगर, मासूम वाडी : बोहरा मशीद, नशेमन कॉलनी : एकता हॉल, सेंट जोसेफ शाळा परिसर : साईबाबा मंदिर.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
