Jalgaon : पंधरा मिनिटांत हॉटेल कामगारांचे 4 मोबाईल लंपास

जळगाव : शहरातील गणेश कॉलनी रोडवरील रामकृष्ण कॉम्प्लेक्समधील हॉटेल वुडलँडच्या वरील रहिवासी खोल्यातून चोरट्यांनी चार मोबाईल लंपास केले. याबाबत जिल्‍हापेठ पोलिस ठाण्यात गुन्ह्याची नोंद झाली आहे.

रविवारी (ता. १९) नेहमीप्रमाणे सकाळी उठल्यावर त्यांना मोबाईल मिळत नसल्याने त्याचा शोध घेतला. आपली नियमित कामे करीत असताना, सकाळी सहा ते सव्वासहा या अवघ्या पंधरा मिनिटांत चोरट्याने एकामागून एक असे चार मोबाईल चोरून पोबारा केला. हॉटेल वुडलँड येथे वरच्या मजल्यावर वास्तव्यास असलेलेले सुशील सर्जेराव पाटील (वय २१, मूळ रा. भोरटेक, ता. पाचोरा) यांनी दिलेल्या तक्रारीवरून जिल्‍हापेठ पोलिस ठाण्यात चोरीचा गुन्हा दाखल झाला. पोलिस नाईक तेजराव हुडेकर अधिक तपास करीत आहेत. संशयित चोरटा हॉटेलच्या सीसीटीव्ही कॅमेऱ्यात कैद झाला.