Jalgaon Municipality News : महापालिकेत 54 अनुकंपाधारकांना नियुक्ती आदेश

Jalgaon Municipality News : महापालिकेच्या ५४ अनुकंपाधारकांना महापालिका आयुक्तांनी नियुक्तीचे आदेश दिले आहेत.

यामुळे गेल्या अनेक वर्षांपासून नोकरीच्या प्रतिक्षेत असलेल्या या उमेदवारांना न्याय मिळाल्याने त्यांच्यासह त्यांच्या कुटुंबीयांची संक्रांत गोड झाली आहे. ( 54 employees of Municipal Corporation ordered appointed by Municipal Commissioner jalgaon news)

महापालिका अनुकंपधारकांच्या प्रतिक्षा यादीत १२५ उमेदवार होते. त्यांपैकी १७ उमेदवार अपात्र ठरले तर १०८ उमेदवार पात्र होते. त्यांपैकी गट क मध्ये ३६ उमेदवारांना तर, गट ड मध्ये १८ उमेदवारांना विविध पदांवर नियुक्ती दिली.

आमदार सुरेश भोळे यांच्या अध्यक्षतेखाली एका कार्यक्रमात नियुक्तीचे आदेश वितरित करण्यात आले. यामध्ये गट क मध्ये लिपिक-२३, वाहन चालक-५, कनिष्ठ अभियंता स्थापत्य-२, कनिष्ठ अभियंता यांत्रिकी-१, कनिष्ठ अभियंता विद्युत-१.

रचना सहाय्यक-१, स्वच्छता निरीक्षक-१, संगणक तंत्रज्ञ १, दूरध्वनी चालक १ आणि गट ड मध्ये शिपाई-१४, मलेरिया कुली-२, भालदार चोपदार-१, माळी-१ आदी पदांवर नियुक्ती आदेश दिले आहेत.

यावेळी आयुक्त तथा प्रशासक डॉ. विद्या गायकवाड, अतिरिक्त आयुक्त पल्लवी भागवत, उपायुक्त अविनाश गांगोडे, मुख्य लेखा परिक्षक मारुती मुळे.

मुख्य लेखाधिकारी चंद्रकांत वानखेडे, सहा आयुक्त गणेश चाटे, सह आयुक्त अभिजित बाविस्कर, सह आयुक्त अश्विनी गायकवाड, वरिष्ठ लिपिक अर्चना वाणी आदी उपस्थित होते.

उर्वरित उमेदवारांबाबतही लवकरच निर्णय होईल, यासाठी आमदार भोळे यांचा शासनदरबारी पाठपुरावा सुरु असल्याचे सांगण्यात आले.