Latest Marathi News | रावेर तालुक्यात 77.58 टक्के मतदान | Sakal
sakal

बोलून बातमी शोधा

Voting in Raver

Jalgaon News : रावेर तालुक्यात 77.58 टक्के मतदान

रावेर : तालुक्यात आज १६ लोकनियुक्त सरपंच व ९९ ग्रामपंचायत सदस्यांची निवडणूक उत्साहात पार पडली. निवडणुकीत ७७.५८ टक्के मतदान झाले. जानोरी ग्रामपंचायतीसाठी सर्वाधिक मतदान झाले.

आज सकाळपासून ग्रामपंचायतींसाठी ६७ केंद्रांवर मतदानाला सुरवात झाली. खिरोदा (ता. रावेर) येथील मतदान केंद्रावर आमदार शिरीष चौधरी यांनी मतदानाचा हक्क बजावला. ग्रामीण भागात शेतकरी मतदार असल्याने दुपारी दोननंतर मनदान केंद्रांवर मतदारांच्या रांगा लागल्याचे चित्र दिसून आले. (77.58 percent polling in Raver taluka Jalgaon News)

हेही वाचा : ज्ञानेश्वरीत आहेत HR निगडित व्यवस्थापन सूत्रे...

हेही वाचा: Jalgaon News : नरेंद्र नारखेडे यांच्या सहकार पॅनलला बहुमत

खिरोदा येथे सायंकाळी चारनंतर लांबच लांब रांगा लागल्या होत्या. खिरोदासह खिरवड, वाघोदा बुद्रूक व थोरगव्हाण या मोठ्या ग्रामपंचायतींसह १८ ग्रामपंचायतीसाठी सर्वत्र मतदारांच्या रांगा लागल्या होत्या. तालुक्यात सर्वत्र शांततेत व उत्साहात मतदान पार पडले. सकाळी साडेनऊपर्यंत ५ हजार १० मतदारांनी मतदान केल्याने १४.५९ टक्के मतदान झाले.

त्यानंतर मतदानाची टक्केवारी वाढत गेली. साडेअकरापर्यंत ३३.६० टक्के, दुपारी दीडपर्यंत ५१.६१ टक्के, दुपारी साडेतीनपर्यंत ६७.५७ टक्के मतदान झाले. मतदानाची प्रक्रिया संपेपर्यंत १८ हजार ९६६ पैकी १२ हजार ६७४ पुरुषांनी तर १७ हजार ३९२ पैकी १३ हजार ९७१ महिलांनी असे एकूण ३६ हजार ३५८ पैकी २६ हजार ६४५ मतदान केल्याने एकूण ७७.५८ टक्के मतदान झाले.

हेही वाचा: Jalgaon News : पाळधी ते मुक्ताई पायीदिंडीचे प्रस्थान